ପେଶୱାର: ପାକିସ୍ତାନର ଉତ୍ତର ପଶ୍ଚିମ ଖାଇବର ପ୍ରଦେଶରେ ରବିବାର ନିର୍ବାଚନୀ ହିଂସା ଘଟିଛି। ନିର୍ବାଚନରେ ଭାଗ ନେଇଥିବା ଦୁଇ ଦଳର ସମର୍ଥକମାନଙ୍କ ମଧ୍ୟରେ ହାତାହାତି ହୋଇଥିଲା। ପରେ ଏହା ଉଗ୍ରରୂପ ନେଇଥିଲା। ଏଥିରେ ୮ ଜଣଙ୍କ ମୃତ୍ୟୁ ହୋଇଥିବା ବେଳେ ୮୦ ଜଣ ସମର୍ଥକ ଗୁରୁତର ଆହତ ହୋଇଛନ୍ତି।
ସରକାରୀ ସୂତ୍ରରୁ ମିଳିଥିବା ସୂଚନା ଅନୁସାରେ, ନିର୍ବାଚନ ସମୟରେ ଚରସଦ୍ଧା, ଡେରା ଇସମାଇଲ ଖାଁ,କୋହଟ୍, ପେଶୱାର ଓ ଅନ୍ୟ ଅଞ୍ଚଳରେ ସୁରକ୍ଷା ବ୍ୟବସ୍ଥା ଢିଲା ଯୋଗୁଁ ମତଦାନରେ ବ୍ୟାଘାତ ଘଟିଛି ।
ପେଶୱାରର ଏକ ନିର୍ଦ୍ଦିଷ୍ଟ ଦଳର ସମର୍ଥକ ମାନେ ମରର୍ଦ୍ଦନ, ମାଲାକନ୍ଦ,ସ୍ୱାଟ୍ ଓ ନୌସେରାରେ ଥିବା ମତଦାନ କେନ୍ଦ୍ରରେ ସଂଘର୍ଷ କରିଥିବା ଜଣାପଡିଛି। ଆଉ କେତେକ ବୁଥରେ ମହିଳା ମାନଙ୍କୁ ମତଦାନ କେନ୍ଦ୍ର ଭିତରକୁ ପ୍ରବେଶ କରିଦିଆଯାଉନଥିବା ଅଭିଯୋଗ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
