ଗୋଟିଏ ରାଜ୍ୟସଭା ଆସନରେ ଉପନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ

ନୂଆଦିଲ୍ଲୀ: ବିହାର ବିଧାନସଭା ନିର୍ବାଚନ ଶେଷ ହୋଇ ସରକାର ଗଠନ ହୋଇଛି। ହେଲେ ନିର୍ବାଚନ ପୂର୍ବରୁ ବିହାରର ରାଜ୍ୟସଭା ସାଂସଦ ରାମବିଳାଶ ପାଶଓ୍ୱାନଙ୍କର ଦେହାନ୍ତ ହୋଇଥିଲା। ଏବେ ଏହି ଆସନ ଖାଲି ପଡ଼ିଛି। ନିର୍ବାଚନ କମିଶନ ଏହି ଆସନରେ ଉପ ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ କରିଛନ୍ତି। ଡିସେମ୍ବର ୧୪ରେ ଏହି ଆସନ ପାଇଁ ଭୋଟ୍ ହେବ।

ଅକ୍ଟୋବର ୮ ରେ ରାମ ବିଳାଶ ପାଶୱାନଙ୍କର ମୃତ୍ୟୁ ହୋଇଥିଲା। ସେ ଦୀର୍ଘ ଦିନ ଧରି ଅସୁସ୍ଥ ହୋଇପଡିଥିଲେ। ଏହାପରେ ସେ ଦିଲ୍ଲୀ ଏମ୍ସରେ ଚିକିତ୍ସାଧୀନ ଥିବା ବେଳେ ହୃଦଘାତର ଶିକାର ହୋଇଥିଲେ। ଏହାପରେ ତାଙ୍କର ଦେହାନ୍ତ ହୋଇଥିଲା।

ଲୋକ ଜନଶକ୍ତି ପାର୍ଟିର ପ୍ରତିଷ୍ଠାତା ହେଉଛନ୍ତି ପାଶଓ୍ୱାନ। ମୋଦି ସରକାରରେ ଉପଭୋକ୍ତା ବ୍ୟାପାର, ଖାଦ୍ୟ ଏବଂ ଜନସାଧାରଣ ବଣ୍ଟନ ମନ୍ତ୍ରୀ ଥିଲେ। ଏହା ସହ ସେ ୨୦୧୯ ରେ ବିହାରରୁ ରାଜ୍ୟସଭା ଆସନରେ ନିର୍ବାଚିତ ହୋଇଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।