ଏହି ରାଜ୍ୟର ବିଜେପି ମୁଖ୍ୟଙ୍କୁ କରୋନା, କ୍ୱାରେଣ୍ଟାଇନରେ ରାମ ମାଧବ ଓ କେନ୍ଦ୍ରମନ୍ତ୍ରୀ ଜିତେନ୍ଦ୍ର

ନୂଆଦିଲ୍ଲୀ: ମହାମାରୀ କରୋନା ଭାଇରସରେ ଆକ୍ରାନ୍ତ ହୋଇଛନ୍ତି ବିଜେପିର ଜମ୍ମୁ-କଶ୍ମୀର ମୁଖ୍ୟ ରବୀନ୍ଦ୍ର ରାଇନା। ଏହି ଖବର ମିଳିବା ପରେ ତାଙ୍କ ସଂସ୍ପର୍ଶରେ ଆସିଥିବା ବିଜେପିର ଜାତୀୟ ସାଧାରଣ ସମ୍ପାଦକ ରାମ ମାଧବ ଓ କେନ୍ଦ୍ରମନ୍ତ୍ରୀ ଜିତେନ୍ଦ୍ର ସିଂହ ହୋମ କ୍ୱାରେଣ୍ଟାଇନକୁ ଯାଇଛନ୍ତି।

ନିକଟରେ ଉଭୟ ରାଇନାଙ୍କ ସହ କଶ୍ମୀରର ବିଭିନ୍ନ ସ୍ଥାନକୁ ଯାଇଥିବାରୁ ଏଭଳି ପଦକ୍ଷେପ ନେଇଛନ୍ତି। ଜିତେନ୍ଦ୍ର ସିଂହ ଟ୍ୱିଟ କରି କହିଛନ୍ତି, “ମୁଁ ଆଜି ୪ଟା ବେଳଠାରୁ ସେଲଫ କ୍ୱାରେଣ୍ଟାଇନରେ ରହିଛି। ଜମ୍ମୁ-କଶ୍ମୀର ବିଜେପି ମୁଖ୍ୟ ରବୀନ୍ଦ୍ର ରାଇନା କରୋନାରେ ଆକ୍ରାନ୍ତ ହୋଇଥିବା ଖବର ପାଇବା ପରେ ମୁଁ ଏଭଳି ପଦକ୍ଷେପ ଗ୍ରହଣ କରିଛି। ଜୁଲାଇ ୧୨ରେ ସେ ଆମ ସହ ଶ୍ରୀନଗରରୁ ବାନ୍ଦିପୋରା ଯାଏ ଯାଇଥିଲେ।”

ରାମ ମାଧବ କହିଛନ୍ତି, “ଗତ ୨ ସପ୍ତାହ ମଧ୍ୟରେ ମୁଁ ୫ଥର କରୋନା ଟେଷ୍ଟ କରିଛି। ହେଲେ ସବୁଥର ରିପୋର୍ଟ ନେଗେଟିଭ ଆସିଛି। ତଥାପି ମୁଁ ନିଜକୁ ସେଲଫ କ୍ୱାରେଣ୍ଟାଇନ କରିନେଇଛି। ୪୮ ଘଣ୍ଟା ତଳେ ମୋର ବନ୍ଧୁ ରବୀନ୍ଦ୍ର ରାଇନଙ୍କ ସହ ମୁଁ ରହିଥିଲି। ତାଙ୍କ ରିପୋର୍ଟ ପଜିଟିଭ ଆସିବା ପରେ ମୁଁ ଏଭଳି ପଦକ୍ଷେପ ଗ୍ରହଣ କରିଛି।

ଅନ୍ୟପକ୍ଷରେ ରାଇନାଙ୍କ ଶରୀରରେ ଖୁବ୍‌ କମ ଲକ୍ଷଣ ଦେଖା ଦେବାରୁ ସେ ନିଜ ଆଡ଼ୁ କରୋନା ଟେଷ୍ଟ କରିଥିଲେ। ଏବେ ତାଙ୍କ ରିପୋର୍ଟ ପଜିଟିଭ ଆସିଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।