ନୂଆଦିଲ୍ଲୀ: ଦେଶଦ୍ରୋହ ମାମଲାରେ ଦିଲ୍ଲୀ ବିଶ୍ୱବିଦ୍ୟାଳୟର ଅଧ୍ୟାପକ ଏସ.ଏ.ଆର. ଜିଲାନୀଙ୍କୁ ଶନିବାର ତଳ କୋର୍ଟ ଜାମିନ ପ୍ରଦାନ କରିଛନ୍ତି। ଜିଲାନୀଙ୍କ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ ଦେଶ-ବିରୋଧୀ ସ୍ଲୋଗାନ୍ ଦିଆଯାଇଥିବା ଅଭିଯୋଗ ହୋଇଥିଲା। ସେ ଏହି ଅଭିଯୋଗରେ ଗିରଫ ହୋଇ ଏକ ମାସରୁ ଅଧିକ୍ ଦିନ ତିହାର ଜେଲ୍ରେ ରହିଥିଲେ। ଆଜି ସନ୍ଧ୍ୟାରେ ସେ ତିହାର ଜେଲରୁ ମୁକ୍ତ ହେବେ।
୫୦,୦୦୦ ଟଙ୍କା ବ୍ୟକ୍ତିଗତ ମୁଚାଲିକାରେ ଜିଲାନିଙ୍କୁ ଅତିରିକ୍ତ ସେସନ ଜଜ୍ ଦୀପକ୍ ଗାର୍ଗ ଜାମିନ୍ ପ୍ରଦାନ କରିଛନ୍ତି।
ସୂଚନାଯୋଗ୍ୟ, ପ୍ରେସ କ୍ଲବ୍ ଅଫ୍ ଇଣ୍ଡିଆରେ ସଂସଦ ଉପରେ ଆକ୍ରମଣକାରୀ ଅଫଜଲ୍ ଗୁରୁର ଶ୍ରାଦ୍ଧବାର୍ଷିକୀ ପାଳନ ପାଇଁ ଏକ କାର୍ଯ୍ୟକ୍ରମ ଆୟୋଜନ କରିଥିଲେ। ସେହି କାର୍ଯ୍ୟକ୍ରମରେ ଦେଶ ବିରୋଧୀ ସ୍ଲୋଗାନ ଦିଆଯାଇଥିବା ଅଭିଯୋଗ ଉଠିବା ପରେ ଜିଲାନୀଙ୍କ ଉପରେ ଦେଶଦ୍ରୋହ ମାମଲା ରୁଜୁ ହୋଇଥିଲା। ଏହାକୁ ନେଇ ଦେଶରେ ତୁମ୍ଭିତୋଫାନ ଉଠିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
