କୋଲକାତା: ପଶ୍ଚିମବଙ୍ଗ ରାଜ୍ୟପାଳ ଜଗଦୀପ ଧନଖଡ଼ଙ୍କ ବହିଷ୍କାର ଦାବି କରିଛି ତୃଣମୂଳ କଂଗ୍ରେସ। ରାଜ୍ୟରେ ଶାନ୍ତି ଭାଙ୍ଗୁଛନ୍ତି ରାଜ୍ୟପାଳ। ବିଜେପି ନେତା ଭଳି ସେ ବ୍ୟବହାର କରୁଛନ୍ତି। ରାଜ୍ୟପାଳ ଭାବରେ ସେ ପରିବାରର ମୁଖ୍ୟ। ହେଲେ ସେ ଏକପାଖିଆ ହୋଇ କାମ କରୁଛନ୍ତି। ରାଜ୍ୟର ଉନ୍ନତି ପାଇଁ ତାଙ୍କୁ ବହିଷ୍କାର ଦାବି କରିବା ଦରକାର। ଟିଏମସି ନେତା କାକୋଲି ଘୋଷ ସାମ୍ୱାଦିକ ସମ୍ମିଳନୀ କରି ଏଭଳି ମନ୍ତବ୍ୟ ରଖିଛନ୍ତି।
ଏହାବାଦ୍ ଟିଏମସି କେନ୍ଦ୍ର ସରକାର ତଥା ବିଜେପି ଉପରେ ବର୍ଷିଛି। ପିଏମ୍ କେୟାର୍ସ ପାଣ୍ଠି ନେଇ କାକୋଲି ଘୋଷ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି। ଏହି ପାଣ୍ଠିର ଟଙ୍କାରେ ଅନିୟମିତତା ରହିଛି। କେନ୍ଦ୍ର ସରକାର ସମ୍ବିଧାନର କ୍ଷମତାକୁ ଅପବ୍ୟବହାର କରୁଛନ୍ତି। କେନ୍ଦ୍ର ସରକାର ରାଜ୍ୟକୁ ୮୫,୦୦୦ କୋଟି ଟଙ୍କା ଦେବାର ଅଛି। ହେଲେ କେନ୍ଦ୍ର ସରକାର ଏହି ବକେୟା ଟଙ୍କା ବନ୍ଦ କରି ରଖିଥିବା ଅଭିଯୋଗ ଆଣିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
