ଜେନେଭା: ପ୍ରତିବର୍ଷ ସବୁ ପୁରସ୍କର ପାଇଁ ଥରେ ଘୋଷଣା ହୁଏ। ଏଥର କିନ୍ତୁ ସାହିତ୍ୟ ପାଇଁ ୨ଟି ବର୍ଷର ପୁରସ୍କାର ଏକାଥରେ ଘୋଷଣା କରାଯିବ। ଗତ ବର୍ଷ ଏହି ପୁରସ୍କାର ଯୌନ ନିର୍ଯାତନା ଏବଂ ପଦବୀର ଅପବ୍ୟବହାର ଆଦି ଅଭିଯୋଗ ପାଇଁ ବିବାଦ ଘେରକୁ ଆସିଥିଲା। ଫଳରେ ଏଥିପାଇଁ ଗଠିତ କମିଟିର ଉଚ୍ଚପଦସ୍ଥ ଲୋକେ ପଦ ଛାଡ଼ିବାକୁ ପଡ଼ିଥିଲା। ଏଭଳି ବିବାଦ ପରେ ୨୦୧୮ ମସିହା ପାଇଁ ସାହିତ୍ୟ କ୍ଷେତ୍ରରେ ନୋବେଲ ବନ୍ଦ କରାଯାଇଥିଲା। ତେଣୁ ଏଥର ୨୦୧୮ ଓ ୨୦୧୯ ଦୁଇଟି ବର୍ଷ ପାଇଁ ଏହି ପୁରସ୍କାର ଦିଆଯିବ।
ଏହି ବିବାଦର କେନ୍ଦ୍ରରେ ଥିଲେ ଜିନ୍ କ୍ଲାଉଡି ଆର୍ଣ୍ଣଲ୍ଟ ନାମକ ଜଣେ ସ୍ୱେଡିସ୍ ଫଟୋଗ୍ରାଫର। ୧୨ରୁ ଊର୍ଦ୍ଧ୍ୱ ମହିଳା ତାଙ୍କ ନାମରେ ଯୌନ ନିର୍ଯାତନା ଅଭିଯୋଗ ଆଣିଥିଲେ। ୨୦୧୭-୧୮ ମସିହା ବେଳକୁ ସମଗ୍ର ବିଶ୍ୱରେ ମି-ଟୁ ଆନ୍ଦୋଳନ ଶୀର୍ଷରେ ଥାଏ। ୨୦୧୮ ମସିହାରେ ସେ ଏକ ଦୁଷ୍କର୍ମ ମାମଲାରେ ଦୋଷୀ ସାବ୍ୟସ୍ତ ହୋଇ ୨ ବର୍ଷ ଜେଲ ଯାଇଥିଲେ।
ତେବେ ଏହି ପୁରସ୍କାର ସହ ତାଙ୍କର ସମ୍ପର୍କ ହେଉଛି ତାଙ୍କ ପତ୍ନୀ ମାଟାରିନା ଫ୍ରଷ୍ଟେନ୍ସନ୍ ଗତ ବର୍ଷ ନୋବେଲ ସାହିତ୍ୟ କମିଟିର ସଦସ୍ୟ ଥିଲେ। ଏତଦ୍ବ୍ୟତୀତ ଆର୍ଣ୍ଣଲ୍ଟଙ୍କ ଏକ ଆର୍ଟକ୍ଲବ୍ ପାଇଁ ସ୍ୱେଡିସ୍ ଏକାଡେମୀ ଅର୍ଥ ଦେଇଥିଲା, ଯାହାକି ନୋବେଲ ସାହିତ୍ୟ ପୁରସ୍କାର ଦେଇଥାଏ। ଆହୁରି ମଧ୍ୟ ଅଭିଯୋଗ ଆସିଥିଲା ଆର୍ଣ୍ଣଲ୍ଟ ନୋବେଲ ସାହିତ୍ୟ ପୁରସ୍କାର ବିଜେତାଙ୍କ ନାମ ଘୋଷଣା କରିଥାଇ ପାରନ୍ତି।
ଏହାପରେ ଏକାଡେମୀର କମିଟି ପୁନର୍ଗଠିତ ହୋଇଥିଲା। ଏତଦ୍ବ୍ୟତୀତ ବିଜେତାଙ୍କୁ ବାଛିବାର ପ୍ରକ୍ରିୟା ମଧ୍ୟ ବଦଳିଥିଲା। ଆଲଫ୍ରେଡ୍ ନୋବେଲଙ୍କ ନାମ ଅନୁଯାୟୀ ଦିଆଯାଉଥିବା ୫ଟି କ୍ଷେତ୍ର ମଧ୍ୟରୁ ସାହିତ୍ୟ ଅନ୍ୟତମ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
