ଅଭିନେତାରୁ ନେତା ତଥା ବିଜେପି ସାଂସଦ ବନିଥିବା ରବି କିଶନଙ୍କ ଝିଅ ଈଶିତା ଶୁକ୍ଳା ଅଗ୍ନିପଥ ଯୋଜନାରେ ସେନା ବାହିନୀରେ ସାମିଲ ହୋଇଛନ୍ତି। ୨୧ ବର୍ଷୀୟ ଈଶିତା ପ୍ରତିରକ୍ଷା ଫୋର୍ସରେ ସାମିଲ ହେବାକୁ ଯାଉଥିବା ତାଙ୍କ ବାପା ରବି କିଶନ ହିଁ ସୂଚନା ଦେଇଛନ୍ତି।
ସେନା ବାହିନୀକୁ ଅଧିକ ଫିଟ ଓ ଏଥିରେ ଯୁବବର୍ଗଙ୍କୁ ସାମିଲ କରିବା ପାଇଁ କେନ୍ଦ୍ର ସରକାର ଅଗ୍ନିପଥ ଯୋଜନା ଲାଗୁ କରିଥିଲେ। ଅଗ୍ନିବୀରମାନେ ୪ ବର୍ଷ ପାଇଁ ସେନା ବାହିନୀରେ କାମ କରିବା ପରେ ଅବସର ନେବାର ପ୍ରାବଧାନ ରହିଛି। ଏହାକୁ ନେଇ ବିବାଦ ହୋଇଥିଲେ ମଧ୍ୟ ଯୋଜନା ଅଧୀନରେ ନିଯୁକ୍ତି ପ୍ରକ୍ରିୟାକୁ ଜାରି ରଖାଯାଇଛି।
Also Read
ଏବେ ରବି କିଶନଙ୍କ ଝିଅ ଏହି ଯୋଜନା ଅଧୀନରେ ସେନାରେ ସାମିଲ ହୋଇଛନ୍ତି। ରବି କିଶନ ଏହି ଖବରକୁ ନିଜର ଅନୁଗାମୀଙ୍କୁ ଟ୍ୱିଟ କରି ସୂଚନା ଦେଇଛନ୍ତି। ୨୧ ବର୍ଷୀୟ ଈଶିତା ଦିଲ୍ଲୀ ଡିରେକ୍ଟୋରେଟ ଅନ୍ତର୍ଗତ ୭ ଗାର୍ଲ ବାଟାଲିୟନର କ୍ୟାଡର ବୋଲି ମଧ୍ୟ ରବି କିଶନ କହିଛନ୍ତି।
मेरे प्यारे दोस्त @ravikishann ! आपकी बेटी #Ishita के बारे में प्रेरणात्मक समाचार पढ़ा! कि उन्होंने अग्निवीर स्कीम के अन्तर्गत हमारी डिफेंस फ़ोर्सेज़ जॉइन की है।मन प्रसन्न भी हुआ और गर्वित भी।ईशिता को मेरा प्यारा और आशीर्वाद देना।और उससे कहना उसका ये कदम लाखों बच्चियों के लिए… pic.twitter.com/W8JhdgXdEr
— Anupam Kher (@AnupamPKher) June 29, 2023
ଈଶିତା ସେନାରେ ସାମିଲ ହେବାକୁ ଯାଉଥିବାରୁ ତାଙ୍କୁ ଅଭିନେତା ଅନୁପମ ଖେର ଶୁଭେଚ୍ଛା ଜଣାଇବା ସହ ଏପରି ପଦକ୍ଷେପ ଦେଶର ଝିଅମାନଙ୍କୁ ପ୍ରେରଣା ଯୋଗାଇବ ବୋଲି କହିଛନ୍ତି। ସାଧାରଣ ଲୋକମାନେ ମଧ୍ୟ ଈଶିତାଙ୍କୁ ପ୍ରଶଂସା କରିଛନ୍ତି। ସେ ଜଣେ ଷ୍ଟାର କିଡ୍ ହୋଇଥିଲେ ହେଁ ନିଜ ପାଇଁ ଭିନ୍ନ କ୍ଷେତ୍ର ବାଛି ଥିବାରୁ ସମସ୍ତେ ଏହାକୁ ସାଧୁବାଦ ଜଣାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
