ଭୁବନେଶ୍ୱର: ଭୁବନେଶ୍ୱରର ପଟିଆ ଅଞ୍ଚଳର ଏକ ଘରର ଛାତରୁ ଜଣେ ବ୍ୟକ୍ତିଙ୍କ ମୃତଦେହ ପୋଲିସ ଉଦ୍ଧାର କରିଛି । ମୃତକ ଜଣଙ୍କ ଶିଖରଚଣ୍ଡି ନଗରର ପି. ଦିଲ୍ଲିପ ରେଡ୍ଡୀ । ଜଣେ ଅବସରପ୍ରାପ୍ତ ପୋଲିସ ଅଧିକାରୀଙ୍କ ଘର ଛାତରୁ ମୃତଦେହ ଜବତ ହୋଇଛି । ମୃତ ଦିଲ୍ଲିପଙ୍କ ମୁଣ୍ଡରେ ଦାଗ ରହିଥିବାରୁ ତାଙ୍କୁ ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି । ପୋଲିସ ଏ ନେଇ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି । ଅନ୍ୟପକ୍ଷେ ଘର ମାଲିକ ଉକ୍ତ ଘରେ ରହୁ ନ ଥିବା କହିଛନ୍ତି । ସେ ଘର ସଫେଇ ଲାଗି ଜଣେ କଣ୍ଟ୍ରାକ୍ଟରଙ୍କୁ ଦାୟିତ୍ୱ ଦେଇଥିଲେ । ଛାତ ଉପରକୁ ମୃତଦେହ କିପରି ଆସିଲା ସେ କିଛି କହିପାରିବେ ନାହିୱ ବୋଲି ପ୍ରକାଶ କରିଛନ୍ତି । ଘଟଣା ପରେ ଘର କାମରେ ନିୟାଜିତ ଦୁଇଜଣ ଶ୍ରମିକଙ୍କ କୌଣସି ଖୋଜଖବର ମିଳୁ ନ ଥିବାରୁ ପୋଲିସ ସେମାନଙ୍କୁ ଖୋଜୁଥିବା କହିଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
