ଆଇନର ଗୋଲକଧନ୍ଦା ଭିତରେ ବିଜେପୁର ନିର୍ବାଚନ: ବିଜେଡିର ଆଗୁଆ ପ୍ରସ୍ତୁତି, ବିରୋଧୀ କହିଲେ ନବୀନ ଭୟଭୀତ

<p>ଭୁବନେଶ୍ୱର:ବିଜ୍ଞପ୍ତି ପ୍ରକାଶ ପାଇବା ପୂର୍ବରୁ ସବୁ ଦଳର ଫୋକସରେ ରହିଛି ବିଜେପୁର ଉପନିର୍ବାଚନ। &nbsp;ନିଜ ସପକ୍ଷରେ ଜନମତ ସୃଦୃଢ଼ ଲାଗି ପ୍ରଚାର ମୈଦାନକୁ ଓହ୍ଲାଇବାକୁ ଆରମ୍ଭ ହୋଇଗଲାଣି ସଜବାଜ। &nbsp;ବିଜେପୁର ଉପନିର୍ବାଚନ ପ୍ରଚାର ମୈଦାନକୁ ଓହ୍ଲାଇବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆସନ୍ତା ୨୧ରେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ବରପାଲିରୁ ନିର୍ବାଚନ ବିଗୁଲ୍ ଫୁଙ୍କିବେ । ପ୍ରତ୍ୟେକ ପଂଚାୟତରୁ ନେତା, କର୍ମୀଙ୍କୁ ଏହି ସମାବେଶରେ ସାମିଲ କରି ବିଜେଡି ନିର୍ବାଚନ ବିଗୁଲ ଫୁଙ୍କିବ । &nbsp;ମୁଖ୍ୟମନ୍ତ୍ରୀ ଯିବା ପୂର୍ବରୁ ତିନୋଟି ବ୍ଲକ ବରପାଲି, ଗାଇସିଲଟ୍, ବିଜେପୁରରେ ବିଜେଡି କର୍ମୀମାନଙ୍କୁ ନେଇ ବୈଠକ କରି ଦଳ କେମିତି ଜିତିବ ସନେଇ ରଣନୀତି ଚୂଡ଼ାନ୍ତ କରାଯିବ। &nbsp;ତା&rsquo;ସହ ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମ ପରେ ବିଜେପୁର ନିର୍ବାଚନ ମଣ୍ଡଳୀରେ ଦଳ ବ୍ୟାପକ ପଦଯାତ୍ରା କରିବ । ଅଶୋକ ପାଣିଗ୍ରାହୀ ବିଜେପିରେ ଯୋଗଦେବା ଦିନ ବିଜେପି ବରପାଲିରେ ଶକ୍ତି ପ୍ରଦର୍ଶନ କରିଥିଲା । &nbsp;ତାକୁ କାଉଣ୍ଟର କରିବାକୁ ବିଜେଡିରେ ଏଭଳି କାର୍ଯ୍ୟକ୍ରମ ବୋଲି ଚର୍ଚ୍ଚା ହେଉଛି । ସେପଟେ କଂଗ୍ରେସ୍ ପ୍ରାର୍ଥୀ ଚୟନ ନେଇ ବ୍ଲକ୍ ସ୍ତରରେ କସରତ ଚଳାଇଛି।</p><p>କଂଗ୍ରେସର ସ୍ଥିତି କ&rsquo;ଣ ଅଛି , କାହାକୁ ପ୍ରାର୍ଥି କଲେ ଭଲ ହେବେ ସେନେଇ&nbsp; ଦଳର ପର୍ଯ୍ୟବେକ୍ଷକ ମଣ୍ଡଳୀ ରିପୋର୍ଟ ପ୍ରସ୍ତୁତ କରୁଛନ୍ତି। &nbsp;&nbsp;ତେବେ ପର୍ଯ୍ୟବେକ୍ଷକ ମଣ୍ଡଳୀରେ ଥିବା ବିଧାୟକ ନବ ଦାସ ଓ ବରିଷ୍ଠ ନେତା କିଶୋର ପଟେଲ ଆଜି ବିରୋଧୀ ଦଳ ନେତା ନରସିଂହ ମିଶ୍ରଙ୍କୁ ଭେଟି ବିଜେପୁର ଉପନିର୍ବାଚନ ନେଇ ଆଲୋଚନା କରିଛନ୍ତି । ସେପଟେ ବିଜେପି ଅଶୋକ ପାଣିଗ୍ରାହୀଙ୍କୁ ପ୍ରାର୍ଥି କରିବା ଏକ ପ୍ରକାର ନିଶ୍ଚିତ। &nbsp;&nbsp;ଅନ୍ୟପଟେ ମୁଖ୍ୟମନ୍ତ୍ରୀଙ୍କ ଗସ୍ତକୁ ନେଇ ସମାଲୋଚନା କରିଛନ୍ତି କଂଗ୍ରେସ ଓ ବିଜେପି&nbsp; । କହିଛନ୍ତି ନବୀନ ପଟ୍ଟନାୟକ ଭୟଭୀତ ହୋଇପଡ଼ିଛନ୍ତି। ସେଥିପାଇଁ ଆଗୁଆ ପ୍ରସ୍ତୁତି ଚାଲିଛି। ଏସବୁ ଭିତରେ ଅପେକ୍ଷା ରହିଛି ଆସନ୍ତାକାଲି ହାଇକୋର୍ଟରେ ହେବାକୁ ଥିବା ବିଜେପୁର ନିର୍ବାଚନ ମାମଲାର ଶୁଣାଣିକୁ। &nbsp;ତାରି ଉପରେ ନିର୍ଭର କରୁଛି ଉପନିର୍ବାନ କେବେ ହେବ?</p><p>ସୂଚନା ଯୋଗ୍ୟ ଯେ, ୨୦୧୪ ନିର୍ବାଚନରେ ବିଜେପୁରରୁ ପ୍ରସନ୍ନ ଆଚାର୍ଯ୍ୟ ହାରିଯିବା ପରେ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ।&nbsp; ମାମଲା ବିଚାରଧୀନ ଥିବାବେଳେ ସୁବଳ ସାହୁଙ୍କ ଦେହାନ୍ତ ହୋଇଛି।&nbsp; ଏହି ମାମଲାକୁ ନେଇ ବିଜେପୁର ଉପନିର୍ବାଚନର ଭାଗ୍ୟ କଣ ହେବ ତାକୁ ନେଇ ଅନିଶ୍ଚିତତା ଲାଗି ରହିଛି॥ &nbsp;ଆସନ୍ତାକାଲି ବିଜେପୁର ନିର୍ବାଚନ ନେଇ ହାଇକୋର୍ଟରେ ଶୁଣାଣି ରହିଛି ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।