ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ବିଜେପୁର ଉପନିର୍ବାଚନ ପ୍ରଚାର ବେଳେ ବିଜେଡି ବିରୋଧରେ ଆଦର୍ଶ ଆଚରଣ ବିଧିର ଉଲ୍ଲଘଂନ ଅଭିଯୋଗ। ବିଧାୟକ ଅରୁଣ ସାହୁ ପ୍ରଚାର ବେଳେ ଲୋକଙ୍କୁ ପ୍ରଲୋଭିତ କରି ଭୋଟ୍ ହାତେଇବାକୁ ଚେଷ୍ଟା କରିଥିବା ନେଇ ମୁଖ୍ୟ ନିର୍ବାଚନ ଅଧିକାରୀଙ୍କ ପାଖରେ ଫେରାଦ ହୋଇଛି ବିଜେପି। ଏକ ଭିଡିଓ ସିଡି ଦାଖଲ କରି ଦଳ ଅଭିଯୋଗ କରିଛି ଯେ, ବିଜେପୁର ବ୍ଲକ ଚାରପାଲି ପଞ୍ଚାୟତରେ ୭ ତାରିଖରେ ଏକ ସଭାରେ ଅରୁଣ ସାହୁ ମୁଖ୍ୟମନ୍ତ୍ରୀଙ୍କ ନାଁ ନେଇ କହିଥିଲେ, ଯେଉଁ ଗାଁରୁ ବିଜେଡି ପାଇଁ ଅଧିକ ଭୋଟ ଆସିବ, ସେହି ଗାଁକୁ ଅଧିକ ପୁରସ୍କାର ଦିଆଯିବ। ସେହିଭଳି ଚାଉଳ ଓ ବାର୍ଧକ୍ୟ ଭତ୍ତା ନେଇ ମଧ୍ୟ ସେ ଭୋଟରଙ୍କୁ ପ୍ରଲୋଭିତ କରିଥିବା ବିଜେପି ଅଭିଯୋଗ କରିଛି। ଅଭିଯୋଗ ନେଇ ଅରୁଣ ସାହୁଙ୍କ ସହ ଯୋଗାଯୋଗ କରାଯାଇଥିଲେ ବି ସେ ପ୍ରତିକ୍ରିୟା ଦେବାକୁ ମନା କରିଛନ୍ତି। ସେପଟେ ଗତକାଲି ଫେସବୁକରେ ଅପଲୋଡ୍ ହୋଇଥିବା ଏକ ଭିଡିଓକୁ ନେଇ ବିଜେପି ବିରୋଧରେ ମଧ୍ୟ ଆଚରଣ ବିଧି ଉଲ୍ଲଂଘନ ଅଭିଯୋଗ ଆଣିଥିଲା ବିଜେଡି। ଏହି ଭିଡିଓରେ ବିଜେଡିର ଦଳୀୟ ପତାକା ଓ ଚିହ୍ନ ରହିଥିବା ବେଳେ ବିଜେଡି ବିରୋଧରେ ନକାରାତ୍ମକ ପ୍ରଚାର କରାଯାଇଥିବା ଦଳ ଅଭିଯୋଗ କରିଥିଲା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
