ବଲାଙ୍ଗୀରରେ ବିଶୁଦ୍ଧ ଜଳ ଯୋଗାଇବାରେ ସରକାର ବିଫଳ: ନରସିଂହ ମିଶ୍ର

 ଭୁବନେଶ୍ୱର: ବଲାଙ୍ଗୀରରେ ଜଣ୍ଡିସ୍ ବ୍ୟାପି ଥିବା ବେଳେ ଆଜି ଭୁବନେଶ୍ୱର ଠାରେ ଏକ ସାମ୍ବାଦିକ ସମ୍ମିଳନୀ କରି ଏଥିପାଇଁ ରାଜ୍ୟ ସରକାରଙ୍କୁ ଦାୟୀ କରିଛନ୍ତି ବିରୋଧୀ ଦଳ ନେତା ନରିସିଂହ ମିଶ୍ର।  ସେ କହିଥିଲେ ଯେ ସରକାର ବଲାଙ୍ଗୀରବାସୀଙ୍କୁ ବିଶୁଦ୍ଧ ଜଳ ଯୋଗାଇବାରେ ବିଫଳ ହୋଇଛନ୍ତି। ପୂର୍ବରୁ ବଲାଙ୍ଗୀରବାସୀଙ୍କ ପାଇଁ ବିଶୁଦ୍ଧ ପାନୀୟ ଜଳର ବ୍ୟବସ୍ଥା କରିବା ପାଇଁ ପଦକ୍ଷେପ ନେବାକୁ ସେ ସରକାରଙ୍କୁ ବିଭିନ୍ନ ସମୟରେ ପରାମର୍ଶ ଦେଇଥିଲେ। ଏହି ପ୍ରସଙ୍ଗକୁ ସେ ବିଧାନସଭାରେ ମଧ୍ୟ ଉଠାଇଥିଲେ। ନରସିଂହ ମିଶ୍ର ଅଭିଯୋଗ କରିଛନ୍ତି ଯେ ବଲାଙ୍ଗୀର ବିଧାନସଭା ମଣ୍ଡଳୀରେ ବିଜେଡି ପ୍ରାର୍ଥୀଙ୍କୁ ବିଜୟୀ ନକରି ତାଙ୍କୁ ଭାଟୋରମାନେ ନିର୍ବାଚିତ କରିଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ହୁଏତ ବଲାଙ୍ଗୀରବାସୀଙ୍କୁ ଅବହେଳା କରୁଛନ୍ତି।

 ଶ୍ରୀ ମିଶ୍ର ଆହୁରି ମଧ୍ୟ କହିଥିଲେ ଯେ ବିଶୁଦ୍ଧ ପାନୀୟ ଜଳ ଯୋଗାଣ ନେଇ ସେ ବାରମ୍ବାର ପିଏଚଡି, ପଶ୍ଚିମ ଓଡ଼ିଶା ବିକାଶ ପରିଷଦ ଓ ମ୍ୟୁନିସିପାଲିଟିର ଅଧିକାରୀମାନଙ୍କୁ ପରାମର୍ଶ ଦେଇଥିଲେ। ପ୍ରତି ୱାର୍ଡକୁ ଟ୍ୟାଙ୍କର ଯୋଗେ ପାନୀୟ ଜଳ ଯୋଗାଣ ପାଇଁ ସେ ପରାମର୍ଶ ଦେଇଥିଲେ।  

 ସେହିପରି କେନ୍ଦ୍ରୀୟ ଅନୁଦାନ ଓ ଅନ୍ୟାନ୍ୟ ପ୍ରସଙ୍ଗ ନେଇ ବିରୋଧୀ ଦଳ ନେତା ନରସିଂହ ମିଶ୍ର ରାଜ୍ୟ ସରକାରଙ୍କୁ ଘେରିଥିଲେ। ନିକଟରେ କେନ୍ଦ୍ର ସରକାର ରାଜ୍ୟ ପାଇଁ ଉଦ୍ଦିଷ୍ଟ ଅନେକ ଯୋଜନା ଲାଗି ଅର୍ଥ ବନ୍ଦ କରି ଦେଇଥିବା ବେଳେ ରାଜ୍ୟ ସରକାର ନୀରବଦ୍ରଷ୍ଟା ସାଜିଛନ୍ତି ବୋଲି ସେ କହିଛନ୍ତି। ଏନେଇ ରାଜ୍ୟ ଓ କେନ୍ଦ୍ର ମଧ୍ୟରେ ଡିଲ୍ ହୋଇଛି ବୋଲି ସେ କହିଥିଲେ।

ଅନ୍ୟପକ୍ଷରେ ନରସିଂହ ମିଶ୍ରଙ୍କ ଅଭିଯୋଗକୁ ଖଣ୍ଡନ କରିଛନ୍ତି ବିଜେଡିର ମୁଖପାତ୍ର ଅମରପ୍ରସାଦ ଶତପଥୀ।  ସେ କହିଛନ୍ତି ଯେ ରାଜ୍ୟରେ ବିଭିନ୍ନ ସ୍ଥାନରେ ଜଣ୍ଡିସ ନେଇ ସରକାର ଅବଗତ ଅଛନ୍ତି ଓ ପଦକ୍ଷେପ ନେଉଛନ୍ତି। ରଜନୈତିକ ଉଦ୍ଦ୍ୟେଶ ରଖି କୌଣସି ଜିଲ୍ଲା ସହିତ ପକ୍ଷପାତିତା କରାଯାଉ ନାହିଁ।   

ଆହୁରି ପଢ଼ନ୍ତୁ

ଗୁଳି କରି ଜଙ୍ଗଲରେ ପୋତି ଦେଇଥିଲେ, ଦେଢ଼ ମାସ ପରେ ବାହାରିଲା ମୃତଦେହ

ଖୁସି ବ୍ୟକ୍ତ କଲେ ପୁଲିସ ଡିଜି; କହିଲେ-ଆଗଉଛି ସ୍ୱାଭିମାନ ଅଞ୍ଚଳ

ଆଖି ବୁଜିଲେ ଆଉ ଜଣେ କୋଭିଡ୍‌ ଯୋଦ୍ଧା

ସୁସ୍ଥ ହେଲେ ୩୩୭୮ କରୋନା ଆକ୍ରାନ୍ତ, ଆଗରେ କଟକ

ଓଡ଼ିଆ ବୈଜ୍ଞାନିକ ଜ୍ୟୋତିର୍ମୟୀ ଦାଶଙ୍କୁ ‘ଶାନ୍ତି ସ୍ୱରୂପ ଭଟ୍ଟନାଗର ପୁରସ୍କାର’

ବିଶ୍ୱ ପର୍ଯ୍ୟଟନ ଦିବସରେ ଅର୍କକ୍ଷେତ୍ର କୋଣାର୍କକୁ ଗଡ଼ିଲା ‘ମୋ ବସ୍‌’

ବିଧାନସଭା ପୂର୍ବରୁ କରୋନା ଟେଷ୍ଟ, ୧୩୬ ପଜିଟିଭ

‘ରାଜଧାନୀର ଧାରଣା ସ୍ଥଳରେ କଡ଼ାକଡ଼ି ହେବ କୋଭିଡ୍‌ ନିୟମ’

ଭୁବନେଶ୍ୱରରେ କରୋନା ସ୍ଥିତି: ୟୁନିଟ୍‌-୯ରୁ ୧୭, ୟୁନିଟ୍‌-୮ ଓ ଶୈଳଶ୍ରୀ ବିହାରରୁ ୧୨ ଲେଖାଏଁ ଚିହ୍ନଟ

ନବମ ଶ୍ରେଣୀ ଛାତ୍ରଙ୍କୁ ଛୁରୀ ଭୁଷି ହତ୍ୟା!

ବଳି ପଡ଼ିପାରନ୍ତି ବିଜେଡି ବିଧାୟକ ଉମା : ତାରା

ରାଜ୍ୟ ସରକାରଙ୍କ କୋଭିଡ୍‌ ଗୁମର ଖୋଲିଲେ ବିଜେଡି ବିଧାୟକ