୧ କୋଟି ୭୨ ଲକ୍ଷ ଟଙ୍କାର ଠକେଇ ମାମଲା, ବନ୍ଧାହେଲେ ବିଲ୍ଡର ସଂସ୍ଥାର ଏମ୍‌ଡି

arrest

arrest

Niranjan Mishra
  • Published: Sunday, 27 November 2022
  • Updated: 27 November 2022, 06:41 PM IST

ଭୁବନେଶ୍ୱର(ଓଡ଼ିଶା ରିପୋର୍ଟର): ଭୁବନେଶ୍ୱର ସିଜୁଆରେ ଫ୍ଲାଟ ଦେବାକୁ କହି ୧ କୋଟି ୭୨ ଲକ୍ଷ ଟଙ୍କାର ଠକେଇ ଅଭିଯୋଗ ମାମଲାରେ ବିଲ୍ଡର ସଂସ୍ଥା ‘ବାସେରା ଡିଜାଇନ ପ୍ରାଇଭେଟ ଲିମିଟେଡ଼’ ଏମଡି ମନୋଜ ପଟ୍ଟନାୟକଙ୍କୁ ଗିରଫ କରିଛି କ୍ରାଇମବ୍ରାଞ୍ଚ ଇଓଡବ୍ଲୁ। ଏହି ମାମଲାରେ ଅନ୍ୟତମ ଅଭିଯୁକ୍ତ ମନୋଜଙ୍କ ପତ୍ନୀ ସୁଚିତ୍ରା ବିଶୋଇ ଫେରାର ଅଛନ୍ତି। ଏନେଇ ଆଜି ସୂଚନା ଦେଇଛନ୍ତି କ୍ରାଇମବ୍ରାଞ୍ଚ ଇଓଡବ୍ଲୁ ଏସ୍‌ପି ଦିଲୀପ ତ୍ରିପାଠୀ।

ଠକେଇ ନେଇ ଇଓଡବ୍ଲୁର ଦ୍ୱାରସ୍ଥ ହୋଇଥିଲେ ଅଭିଯୋଗକାରୀ ଜ୍ୟୋତିଶଙ୍କର ପଣ୍ଡା। ଅଭିଯୋଗ ପରେ ଫେରାର ହୋଇଯାଇଥିଲେ ବିଲ୍ଡର। ପଳାଶୁଣି ଅଫିସ ବନ୍ଦ କରି ୩ ବର୍ଷ ଧରି ସେ ଫେରାର ଥିଲେ। ଏବେ ତଦନ୍ତ ବଢିବା ସହ ବଢୁଛି ଅଭିଯୋଗ ସଂଖ୍ୟା।

ଶତାଧିକ ଲୋକେ ଏଭଳି ଠକେଇର ଶିକାର ହୋଇଥିବା ଇଓଡବ୍ଲୁ ପକ୍ଷରୁ ସୂଚନା ମିଳିଛି। ୨୦୧୭ରେ ଫ୍ଳାଟ ଦେବାକୁ କହି ଟଙ୍କା ନେଇଥିଲେ ମନୋଜ। ୨୦୨୨ ସୁଦ୍ଧା ମଧ୍ୟ ଲୋକଙ୍କୁ ଫ୍ଳାଟ ଦେଇନଥିବା ଅଭିଯୋଗ ହୋଇଛି। ବିଭିନ୍ନ ଥାନାରେ ମନୋଜ ପଟ୍ଟନାୟକଙ୍କ ନାଁରେ ମାମଲା ରହିଥିବା ସୂଚନା ମିଳିଛି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories