କଟକ: ଡେକାନ କ୍ରୋନିକଲ ଉପାଧ୍ୟକ୍ଷ ପି.କେ. ଆୟାର ଗିରଫ ଘଟଣାରେ କମିଶନରେଟ ପୋଲିସ ପକ୍ଷରୁ ଚିତ୍ରା ଆଥୱାନୀଙ୍କୁ ସମନ ଜାରି କରାଯାଇଥିଲା । ଚିତ୍ରା ଆଗୁଆ ଜାମିନ ପାଇଁ ହାଇକୋର୍ଟରେ କରିଥିବା ଆବେଦନରେ ତାଙ୍କୁ ଅନ୍ତରୀଣ ସୁରକ୍ଷା ମିଳିଛି । ହାଇକୋର୍ଟ ଚିତ୍ରଙ୍କୁ ଅଗଷ୍ଟ ୭ ତାରିଖ ପର୍ଯ୍ୟନ୍ତ ଅନ୍ତରୀଣ ସୁରକ୍ଷା ପ୍ରଦାନ କରିଛନ୍ତି । ଅଗଷ୍ଟ ୭ ତାରିଖରେ ତାଙ୍କ ଆଗୁଆ ଜାମିନ ଆବେଦନର ଶୁଣାଣି ହେବ । ତେବେ ତଦନ୍ତ ଅଧିକାରୀଙ୍କ ନିକଟରେ ବୟାନ ରେକର୍ଡ କରିବାକୁ ହାଇକୋର୍ଟ ତାଙ୍କ ରାୟରେ ଚିତ୍ରାଙ୍କୁ ନିର୍ଦ୍ଦେଶ ଦେଇଛନ୍ତି। ସୂଚନାଯୋଗ୍ୟ ଯେ, ଡେକାନ କ୍ରୋନିକାଲ ଉପାଧ୍ୟକ୍ଷ ଆୟାର ଭୁବନେଶ୍ୱରରେ ହୋଟେଲ ଟ୍ରାଇଡେଣ୍ଟରେ ଛଦ୍ମ ନାମରେ ରହୁଥିବା ବେଳେ ଗିରଫ ହୋଇଥିଲା । ହୋଟେଲରେ ସେ ରହୁଥିବା ରୁମଟି ଚିତ୍ରାଙ୍କ ନାମରେ ବୁକ ହୋଇଥିଲା । ଏହା ଜଣାପଡିବା ପରେ କମିଶନରେଟ ପୋଲିସ ପକ୍ଷରୁ ଚିତ୍ରାଙ୍କୁ ପଚରାଉଚରା ଲାଗି ସମନ ଜାରି କରାଯିବା ସତ୍ତ୍ୱେ ସେ ହାଜିର ହୋଇ ନ ଥିଲେ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
