ଭଦ୍ରକ : ଜିଲ୍ଳାପାଳଙ୍କ ପ୍ରତିଶ୍ରୁତି ପରେ ରେଳରୋକରୁ ଉଠିଲେ ଚାଷୀ

ଭଦ୍ରକ: ୭ ଦଫା ଦାବି ନେଇ ଭଦ୍ରକ ଜିଲ୍ଲା ଭଟ୍ଟତିରା ରେଳ ଷ୍ଟେସନଠାରେ ସର୍ବହରା ଚାଷୀ କମିଟି ପକ୍ଷରୁ ଆଜି କରାଯାଇଥିଲା ରେଳ ରୋକ।   ଦାବି ପୂରଣ ନ ହେବାଯାଏ ଆନ୍ଦୋଳନ ଚାଲିବ ବୋଲି କମିଟିର ପକ୍ଷରୁ କୁହାଯାଇଥିଲା । ଅପରାହ୍ନରେ ଭଦ୍ରକ ଜିଲ୍ଳାପାଳ ଲକ୍ଷ୍ମୀ ନାରାୟଣ ମିଶ୍ର ଆନ୍ଦୋଳନକାରୀ ଚାଷୀ ମାନଙ୍କୁ ଭେଟି ଦାବି ପୂରଣ ନେଇ ପ୍ରତିଶ୍ରୁତି ଦେଇଥିଲେ। ତା ସହିତ ଆସନ୍ତା ମେ ୨୧ ତାରିଖରେ ଜିଲ୍ଲାପାଳଙ୍କ କାର୍ଯ୍ୟାଳୟରେ ସେମାନଙ୍କ ଦାବି ନେଇ ଏକ ବୈଠକ କରାଯିବ ବୋଲି କହିଥିଲେ। ଏହାପରେ ସର୍ବହରା ଚାଷୀ କମିଟି ଆନ୍ଦୋଳନ ପ୍ରତ୍ୟାହାର କରିଥିଲ।

କମିଟିର ଦାବି ଗୁଡିକ ମଧ୍ୟରେ ରହିଛି ୫ଟି ମୌଜାର ଜମିକୁ ପୁନଃ ମୂଲ୍ୟୟନ କରିବା, ଜମି ହରାଇଥିବା ପରିବାରଙ୍କୁ ନିଯୁକ୍ତି ଦେବା, ଭଟ୍ଟତିରାଠାରେ ରେଳଡବା ସଫେଇ କାର୍ଯ୍ୟ ଆରମ୍ଭ କରିବା, ପୂର୍ବ ପ୍ରତିଶୃତିକୁ ପାଳନ କରିବା, ଗୋଚର ଓ ଶଶ୍ମାନ ଜମି ଯୋଗାଇବା ଏବଂ ବନ୍ଦରକୁ ଜମି ଏବଂ ବନ୍ଦରକୁ ଜମି ଦେଇଥିବା ପରିବାରକୁ  ଆଉ ଜମି ଅଧିଗ୍ରହଣ ନ କରିବା ଓ ଏହି ଅଞ୍ଚଳରରୁ ନିଆଯାଇଥିବା ଜମିକୁ ଫେରସ୍ତ କରିବା।