ଭୁବନେଶ୍ୱର (ଓଡ଼ିଶା ରିପୋର୍ଟର): ଆସନ୍ତା ଏକ ମାସ ମଧ୍ୟରେ ରାଜ୍ୟର ଆଉ ୬ଟି ଖଣି ନିଲାମ କରାଯିବ। ଏଥିପାଇଁ ପ୍ରକ୍ରିୟାକୁ ତ୍ୱରାନ୍ୱିତ କରିବାକୁ ବିଭିନ୍ନ ବିଭାଗର ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି ମୁଖ୍ୟ ଶାସନ ସଚିବ ଆଦିତ୍ୟ ପ୍ରସାଦ ପାଢୀ।
ସେ କହିଛନ୍ତି-“ନିଲାମ ହେବାକୁ ଥିବା ଖଣି ମଧ୍ୟରେ ୪ଟି ଲୁହାପଥର ଖଣି, ଗୋଟିଏ ଗ୍ରାଫାଇଟ୍ ଖଣି ଓ ଗୋଟିଏ ଚୂନପଥର ଖଣି ରହିଛି। ଗ୍ରାଫାଇଟ୍ ଖଣିଟି ବଲାଙ୍ଗୀର ଜିଲ୍ଲାରେ ଥିବାବେଳେ ସୁନ୍ଦରଗଡ଼ ଓ କେନ୍ଦୁଝର ଜିଲ୍ଲାରେ ରହିଛି ଲୁହାପଥର ଖଣି।”
ସେ କହିଛନ୍ତି-“ପୂର୍ବରୁ ୩ଟି ଲୁହାପଥର ଖଣି, ଗୋଟିଏ ଚୂନପଥର ଖଣି ଓ ଗୋଟିଏ ମାଙ୍ଗାନିଜ୍ ଖଣି ନିଲାମ ହୋଇଥିଲା। ଏହି ଖଣି ଗୁଡ଼ିକରୁ କିଭଳି ଉତ୍ତୋଳନ ଆରମ୍ଭ ହେବ, ଏଥିପାଇଁ ଆସୁଥିବା ପ୍ରତିବନ୍ଧକ ଯଥା, ଜଙ୍ଗଲ, ପରିବେଶ ଓ ଜମି ସମ୍ପର୍କିତ ଅନୁମତ ମିଳିବା ନେଇ ଖଣି, ଜଙ୍ଗଲ ଓ ପରିବେଶ ବିଭାଗ ଅଧିକାରୀମାନଙ୍କ ସହ ଆଲୋଚନା ହୋଇଛି।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
