ରାଉରକେଲା : ରାଉରକେଲା ଲାଠିକଟା ଥାନା ଅଞ୍ଚଳରେ ଗୋଟିଏ ଦିନରେ ଦୁଇ ଦୁଇଟି ଗଣ-ଦୁଷ୍କର୍ମ ଘଟଣା ପୁରା ସହରରେ ଆଲୋଡନ ସୃଷ୍ଟିକରିଛି। ପ୍ରଥମ ଘଟଣାଟି ଘଟିଛି ଏହି ଥାନା ଅନ୍ତର୍ଗତ ଟଙ୍କଟୋଲା ଜଙ୍ଗଲ ଅଞ୍ଚଳରେ। ଅଭିଯୋଗ ମୁତାବକ, ଜଣେ ନାବାଳିକା ନିଜ ଗାଁ ମାନଚ୍ଚୋରୁ ଫର୍ଟିଲାଇଜର୍ ଟାଉନସିପ୍ ଆଡେ ଯାଉଥିବା ବେଳେ ୩ ଜଣ ଯୁବକ ତାଙ୍କୁ ଜଙ୍ଗଲ ଆଡକୁ ଜୋର ଜବରଦସ୍ତ ଟାଣିନେଇ ଦୁଷ୍କର୍ମ କରି ଫେରାର ହୋଇଯାଇଥିଲେ। ସେହିପରି ଅନ୍ୟ ଘଟଣାଟି ଘଟିଛି କରଲା ଖମଣ ରେଳ ଫାଟକ ନିକଟରେ। ଏହି ଘଟଣାରେ ଯୁବତି ଜଣକ ତାଙ୍କ ଘରକୁ ଆସିଥିବା ଜଣେ ବାନ୍ଧବୀଙ୍କୁ ଛାଡିବାକୁ ଯାଇ ଫେରିବା ବାଟରେ ୫ଜଣ ଯୁବକ ତାଙ୍କୁ ଦୁଷ୍କର୍ମ କରିଥିବା ନେଇ ଥାନାରେ ଆଭିଯୋଗ ହୋଇଛି। ପୋଲିସ୍ ପ୍ରଥମ ଘଟଣାରେ ୩ଜଣ ଓ ଦ୍ୱିତୀୟ ଘଟଣାରେ ୪ଜଣ ଗିରଫ କରିଛନ୍ତି। ମୋଟ ଉପରେ ଏହି ଦୁଇ ଘଟଣାରେ ୭ଜଣଙ୍କୁ ଗିରଫକରି କୋର୍ଟ ଚାଲାଣ କରିଛି ବୋଲି ରାଉରକେଲା ଡିଏସ୍ ପି ତୁଷାରକାନ୍ତ ଜେନା କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
