ଭୁବନେଶ୍ୱର(ଓଡ଼ିଶା ରିପୋର୍ଟର): ପୁଣି ମହାନତା ଦେଖାଇଲେ ସବ୍ୟସାଚୀ। ଆଉ ଜଣେ ଅସହାୟ ଯୁବତୀଙ୍କୁ ସହାୟତାର ହାତ ବଢ଼ାଇ ମାନବିକତାର ପରିଚୟ ଦେଖାଇଛନ୍ତି ଓଡ଼ିଆ ସିନେ ତାରକା ସବ୍ୟସାଚୀ। ଓଡ଼ିଆ ପ୍ରବାସୀଙ୍କ ପାଇଁ ସେ ଦେବଦୂତ ସାଜିଥିବାବେଳେ ଏବେ ଗରିବ ଓ ଅସହାୟଙ୍କ ପାଇଁ ଆଶାର ବାଡ଼ି ପାଲଟିଛନ୍ତି। କୁନିଙ୍କ ଚିକିତ୍ସା ପାଇଁ ସେ ସହାୟତାର ହାତ ବଢ଼ାଇଛନ୍ତି।
ଗତ କିଛିଦିନ ତଳେ ପୁରୀ ଜିଲ୍ଲା ସଦର ବ୍ଲକ୍ର ବାଲିପଡ଼ା ଗ୍ରାମର କୁନି ପଣ୍ଡାଙ୍କ ଏକ ଭିଡିଓ ଭାଇରାଲ ହୋଇଥିଲା । ତାଙ୍କ ଡାହାଣ ହାତରେ ଏକ ଟ୍ୟୁମର ହୋଇଛି । ଏଥିପାଇଁ ସେ ବହୁତ କଷ୍ଟ ପାଉଛନ୍ତି । ଟଙ୍କା ଅଭାବରୁ ତାଙ୍କର ଚିକିତ୍ସା ହୋଇପାରୁନାହିଁ । ସେ ସୋଶାଲ ମିଡିଆରେ ଏହାର ଭିଡିଓ ପୋଷ୍ଟ କରିଥିଲେ । ଯେଉଁଥିରେ ସେ କାନ୍ଦି କାନ୍ଦି ତାଙ୍କ ହାତରେ ଏକ ବଡ଼ ଟ୍ୟୁମର ହୋଇଥିବା କହିଥିଲେ । ଏହାର ଚିକିତ୍ସା ପାଇଁ ଲକ୍ଷେରୁ ଅଧିକ ଟଙ୍କା ଲାଗିବ ବୋଲି କହିଥିଲେ ।
https://www.facebook.com/sabyaactor/videos/712074742854820/
ତାଙ୍କ ପରିବାର ବହୁତ ଗରିବ ହୋଇଥିବାରୁ ସେମାନେ ଏହାର ଚିକିତ୍ସା କରିବାପାଇଁ ଏତେ ଟଙ୍କା ନଥିବା ସେ ଜଣାଇଥିଲେ । ସେ ହାତ ଯୋଡ଼ି ତାଙ୍କ ହାତ ଭଲ କରିଦେବା ପାଇଁ ଲୋକଙ୍କୁ ଗୁହାରି କରିଥିଲେ । ତେବେ ଏହି ଭିଡିଓଟି ଭାଇରାଲ ହେବାପରେ ସବ୍ୟସାଚୀ କୁନିଙ୍କୁ ସହୋଯୋଗର ହାତ ବଢ଼ାଇଛନ୍ତି । ଆଜି ଏମ୍ସ ହସ୍ପିଟାଲକୁ କୁନିଙ୍କୁ ଆଣି ତାଙ୍କର ଚିକିତ୍ସା ଆରମ୍ଭ କରିଥିବା ସବ୍ୟସାଚୀ ତାଙ୍କ ଫେସବୁକ୍ ପେଜରେ ପୋଷ୍ଟ କରିଛନ୍ତି । ପୂର୍ବରୁ ସେ କୁନିଙ୍କ ଭିଡିଓ ସେୟାରକରି ତୁମର ଚିକିତ୍ସା ହୋଇପାରିବ, ତୁମେ ବ୍ୟସ୍ତ ହୁଅନାହିଁ, ଆମେ ତୁମ ସହ ଅଛୁ ବୋଲି ଲେଖିଥିଲେ । ତେବେ ସବ୍ୟଙ୍କ ଏପରି ପରୋପକାରୀ କାର୍ଯ୍ୟ ପାଇଁ ତାଙ୍କୁ ବିଭିନ୍ନ ମହଲରୁ ପ୍ରଶଂସା କରାଯାଉଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
