୧୪ରୁ ସଙ୍ଗୀତ କାର୍ଯ୍ୟକ୍ରମ ‘ସମର୍ପଣ’

ଭୁବନେଶ୍ୱର: ସୁଫି ସଙ୍ଗୀତକୁ ଲୋକଲୋଚନକୁ ଆଣିବା ସହିତ ଅଧିକ ଲୋକପ୍ରିୟ କରିବା ଉଦ୍ଦେଶ୍ୟରେ ଆସନ୍ତା ୧୪ ତାରିଖରୁ ଭୁବନେଶ୍ୱର ରବୀନ୍ଦ୍ର ମଣ୍ଡପରେ ହେବ ବିଶେଷ ସଙ୍ଗୀତ କାର୍ଯ୍ୟକ୍ରମ ‘ସମର୍ପଣ’। ରାଜ୍ୟ ପର୍ଯ୍ୟଟନ ବିଭାଗ ଓ ଆଇସିସିଆର ସହଯୋଗରେ ଚତୁର୍ଥ ଥର ପାଇଁ ଭୁବନେଶ୍ୱର ମ୍ୟୁଜିକ୍ ସର୍କଲ ଏହି  କାର୍ଯ୍ୟକ୍ରମ ଆୟୋଜନ କରୁଛି । କେବଳ ମହିଳା କଣ୍ଠଶିଳ୍ପୀମାନେ ଏହି ସଙ୍ଗୀତ ପରିବେଷଣ କରିବେ। ଏଥିରେ ରାଜ୍ୟ ତଥା ରାଜ୍ୟ ବାହାରର କଣ୍ଠଶିଳ୍ପୀଙ୍କ ସହିତ ଆଫଗାନିସ୍ତାନର ଏକ ଗ୍ରୁପ ସୁଫି ସଙ୍ଗୀତ ପରିବେଷଣ କରିବେ। ଏହି କାର୍ଯ୍ୟକ୍ରମ ୧୬ ତାରିଖ ପର୍ଯ୍ୟନ୍ତ ଚାଲିବ।