ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଲକ୍ଷ୍ନୌ: ଜନ୍ମ ନେଇଛନ୍ତି ଭଗବାନ ବିଷ୍ଣୁ। ଏଥର ଗୋକର୍ଣ୍ଣ ଅବତାରରେ। ତାଙ୍କ ପାଇଁ ମନ୍ଦିର ତିଆରି କରିବାକୁ ଅଣ୍ଟା ଭିଡିଛନ୍ତି ଲୋକେ। ଏଥିପାଇଁ ଆଦାୟ ହେଉଛି ଚାନ୍ଦା। ମନ୍ଦିର ହେବ, ଆଉ ସେଥିରେ ଗୋକର୍ଣ୍ଣ ଦେବଙ୍କ ଆରାଧନା କରାଯିବ। ଆମେ କହୁଛୁ ଉତ୍ତର ପ୍ରଦେଶର ପାଚେଣ୍ଡା ଗାଁର କଥା। ଏହି ଗାଁରେ ଜନ୍ମ ନେଇଥିବା ଏକ ଗାଈର ଛୁଆକୁ ନେଇ ଅଞ୍ଚଳବାସୀଙ୍କ ମଧ୍ୟରେ ଜନ୍ମିଛି ଏପରି ବିଶ୍ୱାସ। କାରଣଟା ବି ସେହିପରି ହୋଇଛି। ଜନ୍ମ ନେଥିବା ଏହି ବାଛୁରୀଟିର ମୁହଁ ଠିକ୍‌ ମଣିଷ ପରି। ମୁହଁ, ଦୁଇ ଆଖି ଓ କାନ ହୋଇଛି ଅବିକଳ ମଣିଷ ପରି।</p> <p>[vc_video link="" align="center"]</p> <p>ଏପରି ବାଛୁରୀ ଜନ୍ମ ହେବା ପ୍ରଚାରିତ ହେବା ପରେ ତାକୁ ଦେଖିବାକୁ ଚାରିଆଡୁ ଲୋକେ ଆସିଥିଲେ। ଖାଲି ଆସି ନ ଥିଲେ ପୂଜାପାଠ ମଧ୍ୟ ଆରମ୍ଭ ହୋଇଯାଇଥିଲା। ଧୂପ, ଦୀପ ଦେଇ ଲୋକେ ପୂଜା ଆରମ୍ଭ କରି ଦେଇଥିଲେ। ତେବେ ଜନ୍ମର କିଛି ସମୟ ପରେ ବାଛୁରୀଟିର ମୃତ୍ୟୁ ଘଟିଥିଲା। ଏହା ପରେ ମଧ୍ୟ ଲୋକେ ତାର ମୃତ ଶରୀରକୁ ପୂଜା କରିଥିଲେ।</p> <p>ଏବେ ଏହି ବାଛୁରୀର ମୃତଦେହକୁ ଏକ ଏକ କାଚ ବକ୍ସ ଭିତରେ ରଖାଯାଇଛି। ପୂଜା ମଧ୍ୟ ଚାଲିଛି। ଶହ ଶହ ଲୋକେ ଆସି ଦର୍ଶନ କରୁଛନ୍ତି। ବାଛୁରୀଟି ବିଷ୍ଣୁଙ୍କର ଅବତାର ଗୋକର୍ଣ୍ଣ ବୋଲି ଲୋକେ କହୁଛନ୍ତି।</p> <p>ବାଛୁରୀର ସସମ୍ମାନେ ଶବ ସତ୍କାର କରିବା ପାଇଁ ଆୟୋଜନ ଚାଲିଛି। ଏହାସହ ଏକ ମନ୍ଦିର ନିର୍ମାଣ ପାଇଁ ମଧ୍ୟ ଅଞ୍ଚଳବାସୀ ଯୋଜନା କରି ଚାନ୍ଦା ଆଦାୟ କରୁଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
