ଭୁବନେଶ୍ୱର: ‘ଶୋଲେ’ ଫିଲ୍ମ ତ ଆପଣମାନେ ଦେଖିଥିବେ ନିଶ୍ଚୟ! ଏଥିରେ ‘ୟେ ଦୋସ୍ତି ହମ୍ ନହିଁ ଛୋଡେଙ୍ଗେ....’ ବୋଲି ଗୀତଟିଏ ଅଛି। ସେଥିରେ ବୀରୁ (ଧର୍ମେନ୍ଦ୍ର) ଓ ଜୟ (ଅମିତାଭ ବଚ୍ଚନ) ଯେମିତି ଗାଡ଼ିରେ ବସି ଗୀତ ଗାଉଥିଲେ ତାହା ବି ମନେ ଥିବ ନିଶ୍ଚୟ। ଆଉ ଆଜି ରାଜଧାନୀର ରାଜରାସ୍ତାରେ ହଠାତ୍ ବୀରୁ ଓ ଜୟଙ୍କୁ ଦେଖିବାକୁ ମିଳିଥିଲା। ଓହୋ... ଧର୍ମେନ୍ଦ୍ର ଓ ଅମିତାଭ ବଚ୍ଚନ ଆସି ନ ଥିଲେ ମ। ‘ସୋଲେ ଗାଡ଼ି’ ଭଳି ଏକ ଗାଡ଼ିରେ ବସି ଥିଲେ ମନ୍ତ୍ରୀ ସଞ୍ଜୟ ଦାସବର୍ମା ଓ ଅରୁଣ ସାହୁ। ଦୁହେଁ ବାହାରିଥିଲେ ହୋଲି ଖେଳିବାକୁ। ଆଉ ଏମାନଙ୍କୁ ଦେଖି ଆମର ମନେ ପଡ଼ିଗଲା ‘ଶୋଲେ’ର ଜୟ ଓ ବୀରୁଙ୍କ କଥା। ଗାଡ଼ି ଚଲାଉଥିଲେ ସଞ୍ଜୟ। ତହୁଁ ଜଣେ ପଚାରିଲେ କିଏ ବୀରୁ ଓ କିଏ ଜୟ? ଆମ୍ଭେ କହିଲୁ ସଞ୍ଜୟଙ୍କ ହାଇଟ୍ ଧର୍ମେନ୍ଦ୍ର ପାଖାପାଖି ଲାଗୁଛି! ତେଣୁ ସେ ବୀରୁ। ବାବୁ ଅରୁଣ ଅମିତାଭଙ୍କ ଭଳି ଛାଁଟ୍ ଛାଁଟ୍ ଡେଙ୍ଗା। ତେଣୁ ସେ ଜୟ।
‘ଶୋଲେ’ରେ ବୀରୁ ଓ ଜୟଙ୍କ ସହିତ ଆଉ କେହି ଗାଡ଼ିରେ ନ ଥିଲେ। ଏ ବୀରୁ ଓ ଜୟଙ୍କ ସହିତ କିନ୍ତୁ ଆଉ ଜଣେ ଥିଲେ। ସଞ୍ଜୟଙ୍କ ପଛରେ ବସିଥିଲେ ଧର୍ମଶାଳା ବିଧାୟକ ପ୍ରଣବ ବଳବନ୍ତରାୟ। ଆଉ ଗୋଟେ କଥା। ‘ଶୋଲେ’ରେ ବୀରୁ ବୁଲେଟ୍ ଚଲାଉଥିଲେ। କିନ୍ତୁ ଏ ବୀରୁ (ସଞ୍ଜୟ) ସ୍କୁଟି ଚଲାଉଥିଲେ।
ତିନିହେଁ ଗୀତ ସିନା ଗାଉ ନ ଥିଲେ, କିନ୍ତୁ ହସହସ ମୁହଁରେ ଦୁହେଁ ମାଡ଼ି ଯାଉଥିଲେ ଲକ୍ଷ୍ୟ ସ୍ଥଳ ଆଡ଼େ। ବିଭିନ୍ନ ସ୍ଥାନକୁ ଯାଇ ଖେଳି ଥିଲେ ହୋଲି। ଏମାନଙ୍କ ଫିଲ୍ମ ଷ୍ଟାଇଲ୍ ହୋଲି ଖେଳ ଦେଖଣାହାରୀଙ୍କ ମନକୁ ପାଇଲା!
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
