ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): କିଏ କ୍ଷୀର, ସରରେ ଭାସୁଛି ତ ପୁଣି କିଏ ମୁଠାଏ ଅନ୍ନକୁ ତରସି ହେଉଛି। ଆମ ଭାରତରେ ଏଭଳି ଚିତ୍ର ଆଦୌ ବିରଳ ନୁହେଁ। ଧନୀ ଓ ଗରୀବ ଭିତରର ଭେଦ ଆଜି ବି ବାରି ହୋଇପଡେ ଖାସ୍‌ ଏଇ କାରଣରୁ।</p> <p>କୋଉଠି କୁଢ କୁଢ ଖାଦ୍ୟ ଫୋପାଡି ଦିଆଯାଏ ତ ପୁଣି କୋଉଠି ରୁଟି ପଟକୁ ଲଗେଇ ଖାଇବାକୁ ଡାଲି ଟିକେ ବି ମିଳେନି। ଭାବିଲେ ଦେଖି କଥାଟା କେତେ ମର୍ମଭେଦି।</p> <p>ନିକଟରେ ଏମିତି ଚିତ୍ର ସମ୍ବଳିତ ଭିଡିଓ ସୋଶାଲ ମିଡିଆରେ ଭାଇରାଲ ହୋଇଛି। ଯାହାକୁ ଦେଖିଲେ ଲାଗୁଛି ସତରେ ଆମ ସମାଜରେ ଏମିତି ବି ଲୋକ ଅଛନ୍ତି। ଯେଉଁମାନ ଦିନ ତମାମ୍‌ ପରିଶ୍ରମ କରୁଥିଲେ ବି ପେଟପୂରା ଖାଇବାକୁ ଗଣ୍ଡେ ପାଆନ୍ତି ନାହିଁ।</p> <p>ଭିଡିଓଟିରେ ଜଣେ ବୃଦ୍ଧ ସିକ୍ୟୁରିଟି ଗାର୍ଡ ରୁଟି ଖାଉଥିବା ଦେଖିବାକୁ ମିଳୁଛି। ୧୨ ଘଣ୍ଟା କାଳ ପରିଶ୍ରମ କରିବା ପରେ ଯେତେବେଳେ ସେ ଖାଦ୍ୟ ଖାଇବାକୁ ଯାଉଛନ୍ତି ସେତେବେଳେ ରୁଟି ସହ ଖାଇବାକୁ ତାଙ୍କ ସହ କିଛି ନାହିଁ। ଏଥିପାଇଁ ପାଖରେ ଥିବା ପ୍ଲେଟର ପାଣି ରଖି ଏଥିରେ ରୁଟି ଛିଣ୍ଡାଇ ବୁଡ଼ାଇ ବୁଡ଼ାଇ ସେ ଖାଉଛନ୍ତି।</p> <p>ଏମିତି ଦୃଶ୍ୟ ସାଧାରଣ ହୋଇପାରେ। ହୁଏତ ଆପଣଙ୍କ ଆଖିରେ ବି ଏମିତି ଚିତ୍ର କେବେ ପଡିଥିବ । କିନ୍ତୁ ଆପଣ ଏଥିପ୍ରତି ଗୁରୁତ୍ୱ ଦେଇ ନ ଥିବେ । କିନ୍ତୁ ଏହି ଭିଡିଓକୁ ସୋଶାଲ ମିଡ଼ିଆରେ ପୋଷ୍ଟ କରିଥିବା ବ୍ୟକ୍ତି ଜଣକ ଏହି ଭିଡିଓ ମାଧ୍ୟମରେ ସୁନ୍ଦର ମେସେଜ୍‌ଟିଏ ସମାଜକୁ ଦେଇଛନ୍ତି।</p> <p>ତାଙ୍କ ଭାଷାରେ ଖାଦ୍ୟ ଅପଚୟ ରୋକିବାକୁ ସେ ନିବେଦନ କରିଛନ୍ତି। ଏମିତି କରିବା ଦ୍ୱାରା କେହି ଗରିବ ଉପକୃତ ହୋଇପାରିବେ ବୋଲି ସେ ଲେଖିଛନ୍ତି।</p> <p>ଭିଡିଓଟିକୁ ୨୦ ଲକ୍ଷ ଲୋକେ ଦେଖିଥିବା ବେଳେ ୧୦ ହଜାରରୁ ଅଧିକ ରିଆକ୍ସନ ମିଳିଛି ଆଉ ସେୟାର କରିଛନ୍ତି ୫୬ ହଜାର ୟୁଜର୍ସ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
