ନୂଆଦିଲ୍ଲୀ: ଭାରତୀୟ ନୋଟ୍ରେ ମହାତ୍ମା ଗାନ୍ଧି ଓ ଅଶୋକ ସ୍ତମ୍ଭ ସହିତ ଭାରତୀୟ ଐତିହ୍ୟ ବହନ କରୁଥିବା ଅନ୍ୟାନ୍ୟ କଳାକୃତି ଦେଖିବାକୁ ମିଳିଥାଏ। କିନ୍ତୁ ଆମେ ଆଜି ଏମିତି ଏକ ମୁସଲ୍ମାନ ବହୁଳ ରାଷ୍ଟ୍ର ବିଷୟରେ କହିବୁ, ଯାହାର ନୋଟ୍ରେ ହିନ୍ଦୁ ଦେବତାଙ୍କର ଫଟୋ ରହିଛି। କଥାଟା ଶୁଣି ଆପଣ ଆଶ୍ଚର୍ଯ୍ୟ ହୋଇଯାଇଥିବେ ନିଶ୍ଚୟ।
ବିଶ୍ୱର ସବୁଠାରୁ ବଡ଼ ମୁସଲ୍ମାନ ବହୁଳ ରାଷ୍ଟ୍ର ଇଣ୍ଡୋନେସିଆ ନୋଟ୍ରେ ହିନ୍ଦୁ ଦେବତା ଗଣେଶଙ୍କର ଫଟୋ ରହିଛି। ଖାଲି ନୋଟ୍ରେ ନୁହେଁ ଇଣ୍ଡୋନେସିଆନ୍ ଆର୍ମିର ମାସ୍କଟ୍ ହେଉଛନ୍ତି ହିନ୍ଦୁ ଦେବତା ହନୁମାନ। ଇଣ୍ଡୋନେସିଆର ପାଖାପାଖି ୮୭.୫ ପ୍ରତିଶତ ମୁସଲ୍ମାନ ଓ ମାତ୍ର ୩ ପ୍ରତିଶତ ହିନ୍ଦୁ ଅଛନ୍ତି।
ହିନ୍ଦୁ ମୁସଲମାନ୍ ଆଳରେ ବର୍ଷ ବର୍ଷ ଧରି ଭାରତ ସହିତ ପାକିସ୍ତାନ ଶତ୍ରୁତା କରିଆସୁଥିବା ବେଳେ, ବିଶ୍ୱର ସବୁଠାରୁ ବଡ଼ ମୁସଲମାନ୍ ରାଷ୍ଟ୍ର ଇଣ୍ଡୋନେସିଆର ନୋଟ୍ରେ ହିନ୍ଦୁ ଦେବତାଙ୍କ ଚିତ୍ର ସ୍ଥାନ ପାଇବା ଏକ ବଡ଼ କଥା।
ନୋଟ୍ ବିଷୟରେ ବିଶେଷ କଥା: ଇଣ୍ଡୋନେସିଆର ମୁଦ୍ରାକୁ ରୁପିୟାହ୍ କୁହାଯାଏ। ଏହାର ୨୦ ହଜାର ଟଙ୍କିଆ ନୋଟ୍ ଉପରେ ଭଗବାନ ଗଣେଶଙ୍କ ଚିତ୍ର ସହିତ ସେଠାକାର ପୂର୍ବତନ ଶିକ୍ଷାମନ୍ତ୍ରୀ ତଥା ଇଣ୍ଡୋନେସିଆ ସ୍ୱାଧୀନତା ଆନ୍ଦୋଳନର ନାୟକ ହଜର୍ ଦେବାନ୍ତ୍ରାଙ୍କ ଫଟୋ ରହିଛି। ନୋଟ୍ରେ ପଛପଟେ କ୍ଲାସ୍ରୁମ୍ର ଫଟୋ ମଧ୍ୟ ରହିଛି।
ଗଣେଶଙ୍କ ସମ୍ପର୍କରେ କ'ଣ ରହିଛି ବିଶ୍ୱାସ: ଇଣ୍ଡୋନେସିଆରେ ଭଗବାନ ଗଣେଶଙ୍କୁ ଶିକ୍ଷା ଓ ବିଜ୍ଞାନର ଦେବତା ରୂପେ ମାନନ୍ତି। କିଛି ବର୍ଷ ପୂର୍ବେ ଇଣ୍ଡୋନେସିଆର ଅର୍ଥ ବ୍ୟବସ୍ଥା ଭୁଶୁଡ଼ି ପଡ଼ିଥିଲା। ସେଠାକାର ସରକାର ଓ ଅର୍ଥନୀତିଜ୍ଞମାନେ ବିଚାର ବିମର୍ଶ କରି ୨୦ ହଜାର ଟଙ୍କିଆ ନୋଟ୍ର ପ୍ରଚଳନ କଲେ। ଏହି ନୋଟ୍ରେ ଭଗବାନ ଗଣେଶଙ୍କର ଚିତ୍ର ଛାପିଲେ। ଖାସ୍ ଏଥିପାଇଁ ଏହାପରଠାରୁ ଇଣ୍ଡୋନେସିଆର ଅର୍ଥ ବ୍ୟବସ୍ଥା ସୁଧୁରି ଗଲା ବୋଲି ସାଧାରଣରେ ବିଶ୍ୱାସ ରହିଛି।
ଅର୍ଜୁନ ଓ କୃଷ୍ଣଙ୍କ ପ୍ରତିମା ବି ରିହିଛି: ଆପଣ ଜାଣି ଆଶ୍ଚର୍ଯ୍ୟ ହେବେ ଯେ, ଇଣ୍ଡୋନେସିଆରେ କେବଳ ଗଣେଷ ଭଗବାନଙ୍କ ଚିତ୍ର ନୁହେଁ, ଅର୍ଜୁନ, ଶ୍ରୀକୃଷ୍ଣ ଓ ଘଟୋତ୍କଚଙ୍କ ମୂର୍ତ୍ତି ମଧ୍ୟ ରହିଛି। ସେଠାରେ ଏକ ପ୍ରସିଦ୍ଧ ପର୍ଯ୍ୟଟନ ସ୍ଥଳୀରେ ମହାଭାରତ ଯୁଦ୍ଧ ବେଳର ଅର୍ଜୁନ ଓ ଶ୍ରୀକୃଷ୍ଣଙ୍କ ଏକ ପ୍ରତିମୂର୍ତ୍ତି ସ୍ଥାପନା କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
