ଭାରତର ଜଣ୍ଟି ରୋଡ୍ସ ବନିଲେ ଏହି କ୍ରିକେଟର୍‌: ଏଭଳି ରନ୍‌ ଆଉଟ୍‌ ଯାହା କେବେ ଦେଖି ନ ଥିବେ

ଭୁବନେଶ୍ୱର(ଓଡ଼ିଶା ରିପୋର୍ଟର): କ୍ରିକେଟ୍‌ ବିଶ୍ୱକପ ୧୯୯୨, ହୁଏତ ଅନେକ ଲୋକଙ୍କ ମନେ ନଥିବ। କିନ୍ତୁ ପାକିସ୍ତାନର ବ୍ୟାଟ୍ସମ୍ୟାନ୍‌ ଇଞ୍ଜାମାମ ଉଲ୍‌-ହକ୍‌ଙ୍କ ରନ୍‌ ଆଉଟ୍‌ କେବେ ଭୁଲି ହେବନି। ଏହି ରନ୍‌ ଆଉଟ୍‌ କରିଥିଲେ ଦୁନିଆର ସର୍ବଶ୍ରେଷ୍ଠ ଫିଲ୍ଡର ତଥା ଦକ୍ଷିଣ ଆଫ୍ରିକା ଖେଳାଳି ଜଣ୍ଟି ରୋଡ୍ସ। ଏହି ମ୍ୟାଚରେ ଜଣ୍ଟି ରୋଡ୍ସ ଏକ ଲମ୍ବା ଜମ୍ପ କରି ଇଞ୍ଜାମାମଙ୍କୁ ରନ୍‌ ଆଉଟ୍‌ କରିଥିଲେ।

https://youtu.be/xtrR5sW9fHw

କ୍ରିକେଟ୍‌ ପଡ଼ିଆରେ ଏଭଳି ଫଲ୍ଡିଂ ହୁଏତ ଏପର୍ଯ୍ୟନ୍ତ କେହି କରିନଥିବେ। କିନ୍ତୁ ଦୀର୍ଘଦିନ ପରେ ଏପରି ଫିଲ୍ଡିଂ ଜଣେ ଭାରତୀୟ ଖେଳାଳିଙ୍କ ନିକଟରୁ ଦେଖିବାକୁ ମିଳିଛି। ସୟଦ ମୁସ୍ତାଖ ଅଲି ଟୁର୍ଣ୍ଣାମେଣ୍ଟ ଚାଲିଥିବା ବେଳେ ପଞ୍ଜାବ ବିପକ୍ଷ ମ୍ୟାଚରେ କର୍ଣ୍ଣାଟକ ଅଧିନାୟକ ବିନୟ କୁମାର ଏଭଲି ଫିଲ୍ଡିଂ କରି ସମସ୍ତଙ୍କୁ ଚକିତ କରିଛନ୍ତି। ପଞ୍ଜାବର ଗୁର୍‌କିରତ ସିଂଙ୍କୁ ବିନୟ କୁମାର ଜଣ୍ଟି ରୋଡ୍ସଙ୍କ ଭଳି ଜମ୍ପ କରି ରନ୍‌ ଆଉଟ୍‌ କରିଥିଲେ। ଯାହାକୁ ଦେଖି ଜଣ୍ଟି ରୋଡ୍ସ ବିନୟ କୁମାରଙ୍କୁ ପ୍ରଶଂସା ନ କରି ରହିପାରିନାହାଁନ୍ତି। ନିଜେ ବିନୟ କୁମାର ଟ୍ୱିଟ୍‌ କରି କହିଛନ୍ତି ଯେ ତାଙ୍କର ଏଭଳି ଫିଲ୍ଡିଂ ଜଣ୍ଟି ରୋଡ୍ସଙ୍କ କଥା ମନେପକାଇଦେଇଛି।