ନୂଆଦିଲ୍ଲୀ: ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର, ପୂର୍ବତନ ଅଧିନାୟକ ସୌରଭ ଗାଙ୍ଗୁଲି ଓ ଏକଦା ଭାରତୀୟ ଟେଷ୍ଟ କ୍ରିକେଟର ଅନ୍ୟତମ ମେରୁଦଣ୍ଡ ରହିଥିବା ଲକ୍ଷ୍ମଣଙ୍କୁ ବିସିସିଆଇ ଏହାର ନବଗଠିତ ପରାମର୍ଶଦାତା କମିଟିରେ ସାମିଲ କରିଛି। ପୂର୍ବତନ ଅଧିନାୟକ ରାହୁଲ ଦ୍ରାବିଡ଼ଙ୍କୁ ମଧ୍ୟ ଏହି କମିଟିରେ ସାମିଲ ହେବାକୁ ବୋର୍ଡ ଆମନ୍ତ୍ରଣ କରିଥିଲା। ତେବେ ସେ ମନା କରି ଦେଇଥିଲେ।
ସୋମବାର ଏହି ସୂଚନା ଦେଇ ବିସିସିଆଇ ସଂପାଦକ ଅନୁରାଗ ଠାକୁର କହିଥିଲେ ଯେ ସଚିନ, ସୌରଭ ଓ ଲକ୍ଷ୍ମଣଙ୍କ ସହିତ ଫୋପ୍ ଯୋଗେ ଆଲୋଚନା କରାଗଲା ପରେ ଆନୁଷ୍ଠାନିକ ଭାବେ ଏହି ଘୋଷଣା କରାଯାଇଛି।
ଏହି ତିନି ଜଣ ବିସିସିଆଇକୁ କ୍ରିକେଟ ସଂପର୍କିତ ସମସ୍ତ ପ୍ରକାର ପରାମର୍ଶ ଦେବେ। ଟିମ୍ ଇଣ୍ଡିଆର କୋଚ୍ ନିଯୁକ୍ତି ନେଇ ମଧ୍ୟ ଏହି ତିନି ପୂର୍ବତନ ଖେଳାଳି ବୋର୍ଡକୁ ପରାମର୍ଶ ଦେବେ।
ଜୁନ୍ ୬ ତାରିଖରେ ବିସିସିଆଇ ଟିମ୍ ଇଣ୍ଡିଆର ନୂଆ କୋଚଙ୍କ ନାମ ଘୋଷଣା କରିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
