ବିଶ୍ୱକପ୍‌ ଯୋଗ୍ୟତା ପର୍ଯ୍ୟାୟ: ଆସନ୍ତାକାଲି ନେଦରଲାଣ୍ଡ-ଓମାନ୍‌ ଓ ବାଂଲାଦେଶ- ଆୟରଲାଣ୍ଡ ମୁକାବିଲା

ଧର୍ମଶାଳା: ଆଇସିସି ଟି-ଟ୍ୱେଣ୍ଟି ବିଶ୍ୱକପ୍‌ ଯୋଗ୍ୟତା ପର୍ଯ୍ୟାୟ ମ୍ୟାଚରେ ଆସନ୍ତାକାଲି ଧର୍ମଶାଳା ଏଚ୍‌ପିସିଏ ଷ୍ଟାଡିୟମରେ ଦୁଇଟି ମ୍ୟାଚ୍‌ ଖେଳାଯିବ। ପ୍ରଥମ ମ୍ୟାଚ୍‌ ଅପରାହ୍ନ ୩ଟାରେ ନେଦରଲାଣ୍ଡ ଓ ଓମାନ୍‌ ମଧ୍ୟରେ ହେବାକୁ ଥିବା ବେଳେ ସନ୍ଧ୍ୟା ସାଢେ ୭ଟାରେ ବାଂଲାଦେଶକୁ ଆୟରଲାଣ୍ଡ ଭେଟିବ।

ଗତ ମ୍ୟାଚ୍‌ରେ ଓମାନ୍‌ ଆୟରଲାଣ୍ଡକୁ ୨ ୱିକେଟରେ ହରାଇଥିବାରୁ ଦଳର ମନୋବଳ ଦୃଢ ରହିଛି। ଏହାସହ ଗତ ମ୍ୟାଚ ଜିତି ଦଳ ପଏଣ୍ଟ ଟେବୁଲରୁ ଦ୍ୱିତୀୟ ସ୍ଥାନରେ ରହିଛି। ସେହିପରି ନେଦରଲାଣ୍ଡ ସର୍ବନିମ୍ନ ସ୍ଥାନରେ ରହିଛି। ଏହି ମ୍ୟାଚ୍‌କୁ ଜିତିବା ପାଇଁ ଉଭୟ ଦଳ ପ୍ରୟାସ କରିବେ।

ସେହିପରି ସନ୍ଧ୍ୟା ସାଢେ ୭ଟାରେ ବାଂଲାଦେଶକୁ ଭେଟିବ ଆୟରଲାଣ୍ଡ। ଏହା ପୂର୍ବରୁ ବାଂଲାଦେଶ ଟି-ଟ୍ୱେଣ୍ଟି ବିଶ୍ୱକପ୍‌ ଯୋଗ୍ୟତା ପର୍ଯ୍ୟାୟର  ନେଦରଲାଣ୍ଡକୁ ୮ ରନରେ ପରାଜିତ କରିଥିବାରୁ ଦଳର ମନୋବଳ ଦୃଢ଼ ରହିଛି।