ବାସେଲ୍: ସ୍ୱିସ୍ ଗ୍ରାଁ ପ୍ରି ଗୋଲ୍ଡ ବ୍ୟାଡମିଣ୍ଟନ୍ ଟୁର୍ଣ୍ଣାମେଣ୍ଟର ସେମିଫାଇନାଲରେ ପ୍ରବେଶ କରିଛନ୍ତି ଭାରତର ସାଇନା ନେହୱାଲ ଓ ଏଚ୍ ଏସ୍ ପ୍ରଣୟ। ମହିଳା ବର୍ଗ ଏକକ ଓ ପୁରୁଷ ବର୍ଗ ଏକକରେ ଯଥାକ୍ରମେ ସାଇନା ଓ ପ୍ରଣୟ ୮ଟି ଲେଖାଏଁ ମ୍ୟାଚ୍ ଜିତି ସେମିରେ ପହଞ୍ଚିଛନ୍ତି।
ଦୁଇ ଥର ଚାମ୍ପିଅନ୍ ହୋଇଥିବା ସାଇନା ଜାପାନର ସାୟାକା ସାତୋଙ୍କୁ ୧୩-୨୧, ୨୧-୧୫, ୨୧-୧୪ରେ ହରାଇ ସେମିରେ ପହଞ୍ଚିଛନ୍ତି। ଅଲିମ୍ପିକ୍ରେ ବ୍ରୋଞ୍ଜ ପଦକ ହାତେଇଥିବା ସାଇନା ସେମିରେ ୱାଙ୍ଗ ୟିହାନ୍ଙ୍କୁ ଭେଟିବେ।
ପୁରୁଷ ଏକକ ବର୍ଗରେ ପ୍ରଣୟ ଥାଇଲାଣ୍ଡର ତାନୋଙ୍ଗସାକ୍ଙ୍କୁ ୨୧-୧୮, ୨୨-୨୪, ୨୧-୯ରେ ପରାଜିତ କରି ସେମି ଫାଇନାଲ୍ରେ ପ୍ରବେଶ କରିଛନ୍ତି। ଆସନ୍ତା ମ୍ୟାଚ୍ରେ ସେ ଚାଇନିଜ୍ ତାପେଇର ତଜୁ ୱେଇ ୱାଙ୍ଗଙ୍କୁ ଭେଟିବେ।
୨୦୧୪ରେ ଅଷ୍ଟ୍ରେଲିଆନ୍ ଇଣ୍ଟରନ୍ୟାସ୍ନାଲ୍ ଚ୍ୟାଲେଞ୍ଜରେ ୱେଇ ୱାଙ୍ଗଙ୍କ ଠାରୁ ହାରି ଯାଇଥିଲେ ପ୍ରଣୟ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
