ହାମିଲ୍ଟନ୍: ଭାରତ ଓ ନ୍ୟୁଜିଲ୍ୟାଣ୍ଡ ମଧ୍ୟରେ ଆଜି ଚତୁର୍ଥ ଦିନିକିଆ ମ୍ୟାଚ୍ ହାମିଲ୍ଟନ୍ରେ ଖେଳାଯାଉଛି। ଏହି ମ୍ୟାଚ୍ରେ ଡେବ୍ୟୁ କରିଛନ୍ତି ଶୁଭମନ୍ ଗିଲ୍। ପଞ୍ଜାବର ଏହି ବ୍ୟାଟ୍ସମ୍ୟାନ୍ ୨୦୧୭-୧୮ରେ ପ୍ରଥମ ଶ୍ରେଣୀ କ୍ରିକେଟ୍ରେ ଡେବ୍ୟୁ କରିଥିଲେ। ସେ ରଣଜୀ ଟ୍ରଫିରେ ପଞ୍ଜାବ ପକ୍ଷରୁ ବେଙ୍ଗଲ ବିପକ୍ଷରେ ପ୍ରଥମ ମ୍ୟାଚ୍ ଖେଳିଥିଲେ।
୧୯ ବର୍ଷୀୟ ଶୁଭମନ୍ ଆଜି ବିରାଟ କୋହଲିଙ୍କ ସ୍ଥାନରେ ତିନି ନମ୍ବରରେ ଖେଳିବାକୁ ଆସିଥିଲେ। ସେ ପ୍ରଥମ ୬ଟି ବଲ୍ରେ କିଛି ରନ୍ କରି ପାରି ନଥିଲେ। ହେଲେ ସପ୍ତମ ବଲ୍ରେ ଚୌକା ମାରି ଅନ୍ତର୍ଜାତୀୟ ମ୍ୟାଚ୍ରେ ରନ୍ ଆରମ୍ଭ କରିଥିଲେ। ତେବେ ସେ ଅଧିକ ସମୟ ତିଷ୍ଠି ପାରି ନଥିଲେ।
ଶୁଭମନ ୨୧ଟି ବଲ୍ରେ ଗୋଟିଏ ଚୌକା ସହାୟତାରେ ୯ ରନ୍ କରି ଆଉଟ୍ ହୋଇଯାଇଥିଲେ। ସେ କଲିନ୍ ଡି ଗ୍ରାଣ୍ଡହୋମଙ୍କ ଏକ ବଲ୍ରେ ମାର୍ଟିନ୍ ଗପ୍ଟିଲଙ୍କ ହାତରେ କ୍ୟାଚ୍ ଆଉଟ୍ ହୋଇଯାଇଥିଲେ।
ଅନ୍ୟପକ୍ଷରେ ଆଜି ଟିମ୍ ଇଣ୍ଡିଆକୁ ସଂଘର୍ଷ କରିବାକୁ ପଡ଼ିଛି। ଶେଷ ଖବର ଲେଖାଯିବା ସୁଦ୍ଧା ଦଳ ୨୨.୧ ଓଭରରେ ୮ ୱିକେଟ୍ ହରାଇ ମାତ୍ର ୫୫ ରନ୍ କରିଛି। ରୋହିତ ଶର୍ମା (୭), ଶିଖର ଧୱନ (୧୩), ଅମ୍ବାତି ରାୟୁଡୁ (୦), ଦୀନେଶ କାର୍ତ୍ତିକ (୦), କେଦାର ଯାଦବ (୧), ହାର୍ଦ୍ଦିକ ପାଣ୍ଡ୍ୟା (୧୬) ଓ ଭୁବନେଶ୍ୱର କୁମାର (୧) ଆଉଟ୍ ହୋଇଯାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
