ଆସିଲା ସୁରେଶ ରାଇନାଙ୍କ ଗୀତର ଟ୍ରିଜର୍‌: ୨ ଘଣ୍ଟାରେ ଭାଙ୍ଗିଲା ସବୁ ରେକର୍ଡ

ମୁମ୍ବାଇ: ଭାରତୀୟ କ୍ରିକେଟର ସୁରେଶ ରାଇନା ଖାଲି ଯେ ଜଣେ ଭଲ କ୍ରିକେଟର ତାହା ନୁହେଁ, ଜଣେ ଭଲ ଗାୟକ ମଧ୍ୟ। ପଡ଼ିଆରେ ଛକା, ଚୌକା ମାରି ଦର୍ଶକଙ୍କ ମନୋରଞ୍ଜନ କରୁଥିବା ଏହି ଖେଳାଳି ଏବେ ମ୍ୟୁଜିକ୍‌ ଦୁନିଆରେ ମଧ୍ୟ ବେଶ ପପୁଲାର। ବର୍ତ୍ତମାନ ଜାତୀୟ ଦଳରୁ ବାହାରେ ଥିବା ଏହି ଖେଳାଳି କ୍ରିକେଟ ଭଳି ଗୀତକୁ ନିଜର ପେଷା କରିବା ପାଇଁ ବୋଧ ହୁଏ ମନ ବଳାଇ ସାରିଛନ୍ତି। ନିକଟରେ ତାଙ୍କର ଏକ ଗୀତର ଟିଜର୍‌ ରିଲିଜ୍‌ ହୋଇଛି। ରିଲିଜ୍‌ ହେବାର ମାତ୍ର ଦୁଇ ଘଣ୍ଟାରେ ଏହା ସବୁ ରେକର୍ଡ ଭାଙ୍ଗି ଦେଇଛି। ଏହି ଦୁଇ ଘଣ୍ଟା ମଧ୍ୟରେ ୨ ଲକ୍ଷ ୧୨ ହଜାର ୭୭୮ ଜଣ ତାଙ୍କ ଗୀତ ଶୁଣି ସାରିଲେଣି।

ପ୍ରଥମ ଥର ୨୦୧୧ରେ ଷ୍ଟାରପ୍ଲସର ଏକ ଆୱାର୍ଡ ଶୋ’ରେ ରାନା ଐଶ୍ୱର୍ଯ୍ୟାଙ୍କ ପାଇଁ ଦୁଇ ପଦ ଗୀତ ଗାଇଥିଲେ। ସେହିଠାରୁ ରାଇନାଙ୍କ ଗୀତ ଗାଇବାର କଳା ଜଣାପଡ଼ିଥିଲା। ୨୦୧୫ରେ ଫିଲ୍ମ ‘Meeruthiya Gangsters’ ରେ  ରାଇନା ‘ତୁ ମିଲି ସବ୍‌ ମିଲା, ଔର କ୍ୟା ମାଙ୍ଗୁ’ ଗୀତ ଗାଇଥିଲେ। ଯଦି ଦର୍ଶକଙ୍କ ବେଶ ପ୍ରସଂଶା ସାଉଁଟି ଥିଲା।

ସୈଜନ୍ୟ- ୟୁଟ୍ୟୁବ୍