ମୀରପୁର: ଏସିଆ କପ୍ ଟି-ଟ୍ୱେଣ୍ଟି ଫାଇନାଲରେ ରବିବାର ଶକ୍ତିଶାଳୀ ଭାରତକୁ ଭେଟିବ ଘରୋଇ ବାଂଲାଦେଶ ଦଳ। ଦୁଇ ପଡୋଶୀଙ୍କ ମଧ୍ୟରେ ଏହି ମୁକାବିଲା ହେବାକୁ ଥିବା ବେଳେ ଏହାକୁ ନେଇ ପୁଣି ଏକ ବିବାଦ ଦେଖା ଦେଇଛି। ସୋସିଆଲ ମିଡିଆରେ ଭାଇରାଲ ହୋଇଛି ଏକ ଫଟୋ। ଯେଉଁଥିରେ ଭାରତୀୟ ଟିମ୍ ଅଧିନାୟକଙ୍କ କଟାମୁଣ୍ଡକୁ ବାଂଲାଦେଶର ଫାଷ୍ଟ ବୋଲର ତସ୍କିନ୍ ଅହମ୍ମଦ ଧରିଛନ୍ତି।
ଦ୍ୱିତୀୟ ଥର ପାଇଁ ଭାରତୀୟ ଦଳକୁ ମାତ୍ ଦେବାକୁ ଆଶା ରଖିଥିବା ବାଂଲାଦେଶ ସୋସିଆଲ୍ ମିଡିଆରେ ପ୍ରସାରିତ ହୋଇଛି ଏହି ଫଟୋ। ବାଂଲାଦେଶୀ ସମର୍ଥକଙ୍କ ମଧ୍ୟରେ ବେଶ୍ ଉତ୍ସାହ ସୃଷ୍ଟି ହୋଇଛି।
ପୂର୍ବରୁ ୨୦୧୫ରେ ବାଂଲାଦେଶ ପକ୍ଷରୁ ଏକ ସମ୍ବାଦପତ୍ରରେ ଭ୍ରାନ୍ତ ‘କଟର’ ବିଜ୍ଞାପନ ପ୍ରସ୍ତୁତ କରାଯାଇଥିଲା। ଏଥିରେ ଭାରତର ଆଜିଙ୍କ୍ୟ ରାହାଣେ, ରୋହିତ ଶର୍ମା, ବିରାଟ କୋହଲି, ରବୀନ୍ଦ୍ର ଜେଡେଜା, ଏମଏସ୍ ଧୋନି, ଶିଖର ଧାୱନ୍ ଓ ଆର.ଅଶ୍ୱିନଙ୍କ ଅର୍ଦ୍ଧ ଲଣ୍ଡିତ ମସ୍ତକର ଫଟୋ ଛପାଯାଇଥିଲା। ଏହାକୁ ନେଇ ସେହି ସମୟରେ ଭାରତୀୟ ଦର୍ଶକଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
