ଚେନ୍ନାଇୟାନ୍‌ ଏଫ୍‌ସି ସହ ଚୁକ୍ତିଭୁକ୍ତ ହେଲେ ଜାକୀର ମୁଣ୍ଡାମ୍‌ପାରା

ଚେନ୍ନାଇ: ଇଣ୍ଡିଆନ୍‌ ସୁପର ଲିଗ୍‌ ଚାମ୍ପିଅନ୍‌ ହୋଇଥିବା ଚେନ୍ନାଇୟାନ୍‌ ଏଫ୍‌ସି ଆଜି ମିଡ୍‌ଫିଲ୍ଡର ଜାକୀର ମୁଣ୍ଡାମ୍‌ପାରାଙ୍କ ସହ ଚୁକ୍ତି ସ୍ୱାକ୍ଷର କରିଛି। ଚଳିତବର୍ଷ ପାଇଁ ଜାକୀରଙ୍କ ସହ ଏହି ଚୁକ୍ତି ସ୍ୱାକ୍ଷର କରିଛି ଚେନ୍ନାଇୟାନ୍‌ ଏଫ୍‌ସି ।

ଚୁକ୍ତି ସ୍ୱାକ୍ଷର କରିବା ପରେ ଜାକୀର  କହିଛନ୍ତି,“ମତେ ଦଳରେ ପୁଣି ଥରେ ସୁଯୋଗ ଦେଇଥିବାରୁ କୋଚ୍‌ ମାର୍କୋ ମେଟେରାଜି ଓ ଦଳର ମାଲିକଙ୍କୁ ଧନ୍ୟବାଦ୍‌ ଜଣାଉଛି। ଆଘାତ ପରେ ଖେଳକୁ ଫେରିଥିବାରୁ ଏହା ମୋ ପାଇଁ ବହୁତ ଗୁରୁତ୍ୱ ରଖୁଛି ବୋଲି ମୁଁ ଭାବୁଛି।”

ଚେନ୍ନାଇୟାନ୍‌ ଏଫ୍‌ସିର କୋଚ୍‌ ମେଟେରାଜି କହିଛନ୍ତି,“ଗତବର୍ଷ ଭଲ ଖେଳ ପ୍ରଦର୍ଶନ କରି ଜଣେ ଶ୍ରେଷ୍ଠ ଖେଳାଳି ବୋଲି ଜାକୀର ନିଜକୁ ପ୍ରମାଣିତ କରିସାରିଛନ୍ତି। ତାଙ୍କ ବ୍ୟବହାର ଓ ଖେଳିବା ଶୈଳୀ ଅତି ଉଚ୍ଚକୋଟିର। ମୁଁ ଭାବୁଛି ସେ ଆମ ଦଳରେ ସାମିଲ ହେବା ପରେ ଚଳିତବର୍ଷ ଆମର ବିଜୟ ଆଶା ବଢିଯିବ।”