ବିଜେପୁରରେ ପିସି କାରବାର ଚାଲିଥିବା ଅଭିଯୋଗ ଆଣିଲା ବିଜେପି

ବରଗଡ଼: ବିଜେପୁର ଉପନିର୍ବାଚନକୁ ନେଇ ରାଜ୍ୟ ରାଜନୀତି ଜୋର ଧରିଥିବା ବେଳେ ସେଠାରେ ପିସି କାରବାର ହେଉଥିବା ଅଭିଯୋଗ କରିଛନ୍ତି ବିଜେପି ବିଧାୟକ ପ୍ରଦୀପ ପୁରୋହିତ।

ପ୍ରଦୀପ ପୁରୋହିତ କହିଛନ୍ତି,“ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଜେ ପିସି କାରବାର ବନ୍ଦ କରାଯିବା କଥା କହୁଥିବା ବେଳେ ବିଜେପୁରରେ ବିଭିନ୍ନ ବିକାଶମୂଳକ କାମରେ ପିସି କାରବାର ହେଉଛି। ଉପନିର୍ବାଚନକୁ ଦୃଷ୍ଟିରେ ରଖି ରାଜ୍ୟ ସରକାର ବରପାଲି, ବିଜେପୁର ଓ ଗାଇସିଲଟ ବ୍ଲକକୁ ସ୍ୱତନ୍ତ୍ର ସମସ୍ୟା ପାଣ୍ଠି, ପଶ୍ଚିମ ଓଡ଼ିଶା ବିକାଶ ପରିଷଦ ଓ ପଞ୍ଚାୟତିରାଜ ବିଭାଗ ପକ୍ଷରୁ କୋଟିକୋଟି ଟଙ୍କା ପ୍ରଦାନ କରୁଛନ୍ତି।  କିନ୍ତୁ ସେଥିରୁ ୨୦ରୁ ୨୨ ପ୍ରତିଶତ ଅର୍ଥ ପିସି ବାବଦରେ କଟାଯାଉଛି। ସାହସ ଥିଲେ ମୁଖ୍ୟମନ୍ତ୍ରୀ ଏହାର ତଦନ୍ତ କରନ୍ତୁ।”