ଭୁବନେଶ୍ୱର(ଓଡ଼ିଶା ରିପୋର୍ଟର) ଡରେଇଲାଣି ଥାର୍ଡ ୱେଭ୍ । ଆଗକୁ ପାର୍ବଣ ଋତୁ ଆସୁଥିବା ବେଳେ ଦୈନିକ ସଂକ୍ରମଣ ଗ୍ରାଫ୍ ପୁଣି ଉପରମୁହାଁ ହେବାକୁ ନେଇ ଆଶଙ୍କା ବଢିଛି । ଅପରପକ୍ଷେ ସମ୍ଭାବ୍ୟ ତୃତୀୟ ଲହର ମୁକାବିଲା ଲାଗି ଟିକାକରଣ ଏକ ପ୍ରମୁଖ ଅସ୍ତ୍ର ହୋଇଥିବା ବେଳେ ରାଜ୍ୟର ଟିକାକରଣ କେନ୍ଦ୍ରଗୁଡ଼ିକରେ ଅସମ୍ଭାଳ ଭିଡ଼ ଚିନ୍ତା ବଢ଼ାଇଛି । ଏଭଳି ସ୍ଥିତିରେ ଆଜିଠୁ ରାଜ୍ୟରେ ପୁଣି ଆରମ୍ଭ ହୋଇଛି ସେରୋ ସର୍ଭେ।
ଦେଶରେ ୨୩ ଓ ୨୪ ତାରିଖ ଦୁଇଦିନ ୨୫ ହଜାରକୁ ଖସି ଆସିଥିବା ଦୈନିକ ସଂକ୍ରମଣ ହଠାତ୍ ବଢି ଯାଇଛି। ୪ ଦିନ ଧରି ୪୪ ହଜାର ଉପରେ ଟ୍ରେଣ୍ଡ କରୁଛି । ଏପଟେ ଲଗାତର ୪ ଦିନ ଧରି ରାଜ୍ୟରେ ତଳମୁହାଁ ଥିବା ସଂକ୍ରମଣ ଆଜି ପୁଣି ଉପରମୁହାଁ ରାସ୍ତା ଧରିଲାଣି । ଆଗକୁ ପାର୍ବଣ ଋତୁ ତେଣୁ ଏବେଠୁ ସଂକ୍ରମଣର ଏ ସ୍ଥିତିକୁ ଦେଖି ବଢ଼ିଲାଣି ଥାର୍ଡେଓ୍ୱଭ୍ ଭୟ । କରୋନା କଟକଣାକୁ କେନ୍ଦ୍ର ସେପ୍ଟେମ୍ବର ୩୦ ତାରିଖ ଯାଏଁ ବଢ଼ାଇଥିଲା ବେଳେ ଆଜି ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ନବ ଦାସ କହିଛନ୍ତି ତୃତୀୟ ଲହର ଲାଗି ରାଜ୍ୟ ସରକାର ସଂପୂର୍ଣ୍ଣ ପ୍ରସ୍ତୁତ ଅଛନ୍ତି । ମୁକାବିଲା ପାଇଁ ରାଜ୍ୟ ଓ ଜିଲ୍ଲାସ୍ତରରେ ଟାସ୍କଫୋର୍ସ ଗଠନ ହୋଇଛି।
ଏହାରିଭିତରେ ଆଜିଠୁ ଦୁଇଟି ଜିଲ୍ଲା ଝାରସୁଗୁଡ଼ା ଓ ସୁନ୍ଦରଗଡ଼ରେ ସେରୋ ସର୍ଭେ ଆରମ୍ଭ ହୋଇଥିଲାବେଳେ ଆସନ୍ତା ମାସ ୧୫ ତାରିଖ ସୁଦ୍ଧା ୧୨ଟି ଜିଲ୍ଲାରୁ ୬୬୮୦ଟି ସାମ୍ପୁଲ ସଂଗ୍ରହ କରି ପୂରା ପ୍ରକ୍ରିୟା ସାରିବାର ଯୋଜନା ରଖିଛି । ସ୍ୱାସ୍ଥ୍ୟ ବିଭାଗ ଅପରପକ୍ଷେ ଅଗଷ୍ଟ ମାସ ସରିବାକୁ ଆଉ ମାତ୍ର ଦୁଇ ଦିନ ଥିଲା ବେଳେ ସମ୍ଭାବ୍ୟ ତୃତୀୟ ଲହରର ଡର ଭିତରେ ରାଜ୍ୟ ସରକାର ସେପ୍ଟେମ୍ବର ପାଇଁ କିଭଳି ଗାଇଡ୍ଲାଇନ୍ ଆଣୁଛନ୍ତି ତା ଉପରେ ନଜର ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
