ମୁମ୍ବାଇ: ‘ଶିବାୟ’ ଓ ‘ଏ ଦିଲ ହେ ମୁକ୍ସିଲ’କୁ ନେଇ ଦେଖା ଦେଇଥିବା ବିବାଦର ପ୍ରଭାବ କରଣ ଜୋହର ଓ କାଜଲଙ୍କ ବନ୍ଧୁତା ଉପରେ ପଡିଛି, ଯାହାକୁ ଅଜୟ ଦେବଗନଙ୍କ ମନ୍ତବ୍ୟ ପ୍ରମାଣିତ କରିଛି। ଅଜୟ କହିଛନ୍ତି,“କରଣ ମୋର ବନ୍ଧୁ ନୁହନ୍ତି। କାଜଲଙ୍କ ସହ ମଧ୍ୟ ତାଙ୍କ ସମ୍ପର୍କ ଖରାପ ହୋଇ ସାରିଛି।”
ପିଟିଆଇକୁ ଏକ ସାକ୍ଷାତକାର ଦେଇ ଅଜୟ ଦେବଗନ କହିଛନ୍ତି,“ଫିଲ୍ମକୁ ନେଇ କୌଣସି ଲଢେଇ ହେଉନାହିଁ। ମୁଁ କରଣଙ୍କ ବନ୍ଧୁ ନୁହେଁ। କାଜଲଙ୍କ ସହ ତାଙ୍କ ବନ୍ଧୁତା ଆଉ ପୂର୍ବ ଭଳି ନାହିଁ। କିଛି ବ୍ୟକ୍ତିଗତ କାରଣରୁ ଏପରି ହୋଇଛି। ଏଥିପାଇଁ ଆମ ପ୍ରଫେସନ୍ ଦାୟୀ ନୁହେଁ। ‘ଶିବାୟ’ ଓ ‘ଏ ଦିଲ ହେ ମୁକ୍ସିଲ’ ସହ ଏହାର କୌଣସି ସମ୍ପର୍କ ନାହିଁ।”
ସୂଚନାଯୋଗ୍ୟ, ‘ଦିଲୱାଲେ ଦୁଲହନିଆ ଲେ ଜାଏଙ୍ଗେ’ ସମୟରୁ କାଜଳ ଓ କରଣଙ୍କ ବନ୍ଧୁତା ରହିଛି। ‘କଭି ଅଲବିଦା ନା କେହେନା’ରେ ଅଭିନୟ କରିବାକୁ କାଜଲ ମନା କରିଦେବା ପରେ ଉଭୟଙ୍କ ବନ୍ଧୁତାରେ ଫାଟ ସୃଷ୍ଟି ହୋଇଥିଲା। ତେବେ ‘ମାଇଁ ନେମ୍ ଇଜ ଖାନ୍’ ଠାରୁ ସେମାନଙ୍କ ମଧ୍ୟରେ ବିବାଦର ସମାଧାନ ହୋଇ ଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
