ହିରୋଇନ୍ ହେବା ପାଇଁ କେମିତି ସିଲେକ୍ଟ ହୋଇଥିଲେ ଏଲିନା? କ’ଣ ପଚାରିଥିଲେ ଜଜ୍‌? ଦେଖନ୍ତୁ ଅଡିସନ୍‌ ଭିଡିଓ

ଭୁବନେଶ୍ୱର (ଓଡ଼ିଶା ରିପୋର୍ଟର): ଏବେ ଓଲିଉଡ଼୍‌ରେ ରାଜ୍ କରୁଛନ୍ତି ହିରୋଇନ୍ ଏଲିନା ସାମନ୍ତରାୟ। ତାଙ୍କୁ ନେଇ ଇଣ୍ଡଷ୍ଟ୍ରିରେ ଅନେକ ଗସିପ୍। କିନ୍ତୁ ଅଭିନୟରେ ସେ ପକ୍କା ହୋଇଥିବାରୁ ତାଙ୍କ ବିରୋଧରେ କୌଣସି ଗସିପ୍ କାମ କରୁନି। ଅନେକ ଭାବୁଥାଇ ପାରନ୍ତି, ଏଲିନା କେମିତି ଓଡ଼ିଆ ସିନେମା ଇଣ୍ଡଷ୍ଟ୍ରିରେ ପ୍ରବେଶ କଲେ? ତେବେ ପଢ଼ନ୍ତୁ ତାଙ୍କ କ୍ୟାରିୟର ସଂପର୍କରେ ଓ ଦେଖନ୍ତୁ କେମିତି ଥିଲା ତାଙ୍କ ପ୍ରଥମ ଅଡିସନ୍ ଦେଖନ୍ତୁ ଭିଡିଓ।

କଟକରେ ଜନ୍ମିତ ଏଲିନା ସାମନ୍ତରାୟ ଏବେ ରହୁଛନ୍ତି ଭୁବନେଶ୍ୱରରେ। ଲୋକପ୍ରିୟ ମନୋରଂଜନ ଚ୍ୟାନେଲ ‘ତରଙ୍ଗ’ରେ ପ୍ରସାରିତ ‘କିଏ ହେବ ମୋ ହିରୋଇନ୍’ ମାଧ୍ୟମରେ ସେ ତାଙ୍କ ଅଭିନୟ ଜୀବନ ଆରମ୍ଭ କରିଥିଲେ। ଏହି ରିଆଲିଟି ସୋ’ରେ ସେ ବିଜେତା ହେବାପରେ ଅଭିନୟ କରିବାକୁ ସୁଯୋଗ ପାଇଥିଲେ। ତାଙ୍କ ପ୍ରଥମ ଫିଲ୍ମ ଥିଲା ତରଙ୍ଗ ସିନେ ପ୍ରଡକ୍ସନ୍ସର ‘ଇସ୍କ ତୁ ହି ତୁ’। ତା ପରେ ସେ ‘କେହି ନୁହେଁ କାହାର’ ଏବଂ ‘ଜଗା ହାତରେ ପଘା’ ଫିଲ୍ମରେ ହିରୋଇନ୍ ଭାବେ ଦର୍ଶକଙ୍କ ଆଗକୁ ଆସିଥିଲେ।

ତେବେ ୨୦୧୬ରେ ବାବୁସାନ୍‌ଙ୍କ ସହ ‘ଲଭ୍ ଷ୍ଟେସନ୍’ ଏବଂ ତା ପରେ ‘ଝିଅଟା ବିଗିଡ଼ି ଗଲା’ ଫିଲ୍ମରେ ଆସି ସେ ଲୋକପ୍ରିୟତା ସାଉଣ୍ଟିଥିଲେ। ୨୦୧୭ରେ ସେ ଓଲିଉଡ୍‌ର ଲୋକପ୍ରିୟ ନାୟକ ଅନୁଭବ ମହାନ୍ତିଙ୍କ ସହ ‘ଅଭୟ’ ଓ ‘କାବୁଲା ବାରବୁଲା’ ଫିଲ୍ମରେ ଅଭିନୟ କରିଥିଲେ। ଏହାପରେ ‘ହାପି ଲକି’ ଫିଲ୍ମରେ ବି ସେ ତାଙ୍କ ଅଭିନୟର ଜାଦୁ ଦେଖାଇଥିଲେ। ‘୪-ଇଡିଅଟ୍’ ଫିଲ୍ମରେ ସେ ବି ଅଭିନୟ କରିଛନ୍ତି।

ତେବେ ଏଲିନା ଯେତେବେଳେ ତରଙ୍ଗ ଚ୍ୟାନେଲ୍‌ର ‘ମୁଁ ବି ହେବି ହିରୋଇନ୍’ ରିଆଲିଟି ସୋ’ରେ ପ୍ରତିଯୋଗୀ ଭାବେ ଆସିଥିଲେ ସେ ଦୃଶ୍ୟ ହୁଏତ ଅନେକ ଜାଣି ନଥିଲେ କିମ୍ବା ମନେରଖି ନଥିଲେ। ସେତେବେଳେ ସେ କେମିତି ଦିଶୁଥିଲେ ସେ କଥା ବି ବହୁ ଦର୍ଶକ ଜାଣିବାକୁ ଚାହୁଁଥିବେ। ରିଆଲିଟି ସୋ’ରେ ତାଙ୍କ ଟେଷ୍ଟ କିଏ ନେଇଥିଲେ? ସେତେବେଳେ ୩ ଜଣ ଫାଇନାଲ୍‌କୁ ଉଠିଥିଲେ। ଏହି ସମୟରେ ପ୍ରତିଯୋଗୀମାନେ କେମିତି ନିଜ ନିଜ ଭିତରେ କଥା କଟାକଟି ହେଉଥିଲେ ଓ ଜଜ୍ ମାନେ କିଏ କଣ ପଚାରିଥିଲେ, ଏଲିନାଙ୍କୁ ନିଜର କଳା କୌଶଳ ପ୍ରଦର୍ଶନ ପାଇଁ କ’ଣ କରିବାକୁ ପଡ଼ିଥିଲା ଦେଖନ୍ତୁ ନିମ୍ନରେ ଦିଆଯାଇଥିବା ଭିଡିଓ।

This website uses cookies to improve your experience. We'll assume you're ok with this, but you can opt-out if you wish. AcceptRead More