ଆମେରିକାର ଅନ୍ତର୍ଜାତୀୟ ଧାର୍ମିକ ସ୍ୱାଧୀନତା ଆୟୋଗ (USCIRF) ଏକ ରିପୋର୍ଟ ପ୍ରକାଶ କରି ଭାରତର ଧାର୍ମିକ ସ୍ୱାଧୀନତାର ଅବସ୍ଥା ବିଗିଡି ଯାଇଥିବା କହି ଚିନ୍ତା ପ୍ରକଟ କରିଛି। ଆମେରିକା ଆୟୋଗର ଏହି ରିପୋର୍ଟକୁ ଭାରତ ଖଣ୍ଡନ କରିବା ସମ୍ପୂର୍ଣ୍ଣ ରୂପେ ପକ୍ଷପାତିତା ଏବଂ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ବୋଲି କହିଛି।
ବୈଦେଶିକ ମନ୍ତ୍ରଣାଳୟର ସଚିବ ରଣଧୀର ଜୈସ୍ୱାଲ କହିଛନ୍ତି, "ଅନ୍ତର୍ଜାତୀୟ ଧାର୍ମିକ ସ୍ୱାଧୀନତା ଉପରେ ଆମେରିକା ଆୟୋଗ (USCIRF) ବିଷୟରେ ଆମର ମତ ଅତ୍ୟନ୍ତ ସ୍ପଷ୍ଟ। ଏହା ରାଜନୈତିକ ଏଜେଣ୍ଡା ଥିବା ଏକ ଦଳୀୟ ସଂଗଠନ।"
Also Read
ସେ ଆହୁରି କହିଛନ୍ତି, "USCIRF ଆରମ୍ଭରୁ ହିଁ ତଥ୍ୟକୁ ଭୁଲ ଭାବରେ ଉପସ୍ଥାପନ କରିଆସିଛି। ଏହା ଭାରତ ବିଷୟରେ ସର୍ବଦା ଏକ ପ୍ରେରିତ କାହାଣୀକୁ ପ୍ରୋତ୍ସାହିତ କରିବାରେ ଲାଗିଛି। ଆମେ ଏହି କୁତ୍ସିତ ରିପୋର୍ଟକୁ ପ୍ରତ୍ୟାଖ୍ୟାନ କରୁଛୁ। ଏହି ରିପୋର୍ଟ USCIRFକୁ ବଦନାମ କରିବାର କାମ କରୁଛି।"
USCIRF ରିପୋର୍ଟରେ କଣ କୁହାଯାଇଛି?
ପ୍ରକାଶ ଥାଉକି, ଆମେରିକା କମିଶନ କରିଥିବା ଏହି ରିପୋର୍ଟରେ ବରିଷ୍ଠ ନୀତି ବିଶ୍ଳେଷକ ସେମା ହସନ କହିଛନ୍ତି, "ଭାରତରେ ଅଳ୍ପସଂଖ୍ୟକ ଲୋକଙ୍କ ପୂଜାସ୍ଥଳରେ ହିଂସାତ୍ମକ ହମଲା ହେଉଛି। ଧାର୍ମିକ ହିଂସା ସୃଷ୍ଟି କରିବା ପାଇଁ ଭୁଲ୍ ତଥ୍ୟ ଦିଆଯାଉଛି।"
ଏହା ବ୍ୟତୀତ ଆମେରିକାର ଏହି କମିଶନ ତା ରିପୋର୍ଟରେ ମୁସଲିମ ବିରୋଧୀ, ୱାକଫ ସଂଶୋଧନ ବିଲ୍ ଏବଂ ଗାଈ ବିରୋଧୀ ହତ୍ୟା ଆଇନ ବିଷୟରେ ଆଲୋଚନା କରିଛି। ଏହି ସବୁ କାରଣରୁ ଧାର୍ମିକ ଭେଦଭାବ ଥିବା ଦେଶ ତାଲିକାରେ ଭାରତକୁ ନାମିତ କରିବା ପାଇଁ ଆୟୋଗ ଅନୁରୋଧ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
