ଦଙ୍ଗା ଘଟଣାରେ ବାଚସ୍ପତିଙ୍କୁ ୬ ମାସ ଜେଲ

ନୂଆଦିଲ୍ଲୀ: ଦିଲ୍ଲୀରେ କ୍ଷମତାସୀନ ଆମ ଆଦମୀ ପାର୍ଟିର ବିଧାୟକ ତଥା ବିଧାନସଭା ବାଚସ୍ପତି ରାମ ନିୱାଶ ଗୋଏଲ ଆଜି ୨୦୧୫ ଦଙ୍ଗା ମାମଲାରେ ୬ ମାସ ଜେଲ ଦଣ୍ଡରେ ଦଣ୍ଡିତ ହୋଇଛନ୍ତି। ସେ ପୂର୍ବ ଦିଲ୍ଲୀ କଲୋନିରେ ନିଜ ସମର୍ଥକଙ୍କ ସହ ମିଶି ଜଣଙ୍କ ଘରେ ବ୍ୟାପକ ଭଙ୍ଗାରୁଜା ଓ ଆକ୍ରମଣ କରିଥିବାରୁ ଏଭଳି ଦଣ୍ଡ ପାଇଛନ୍ତି।

ଦିଲ୍ଲୀର ଏକ କୋର୍ଟ ଗୋଏଲଙ୍କ ପୁଅ ସୁମିତ ଓ ତାଙ୍କର ୪ ଜଣ ସହଯୋଗୀଙ୍କୁ ମଧ୍ୟ ମନୀଷ ଘାଇଙ୍କ ଘରେ ମାରପିଟ୍‌ କରିବା ପାଇଁ ୬ ମାସ ଲେଖାଏ ଜେଲ ଦଣ୍ଡ ଦେଇଛନ୍ତି।

ଗୋଏଲ ଏବଂ ଅନ୍ୟ ଅଭିଯୁକ୍ତମାନଙ୍କୁ ଏହି ଘଟଣାରେ ଅକ୍ଟୋବର ୧୧ରେ ଦୋଷୀ ସାବ୍ୟସ୍ତ କରିଥିଲେ।

ଦିଲ୍ଲୀ ବିଧାନସଭା ନିର୍ବାଚନର ଗୋଟିଏ ଦିନ ପୂର୍ବରୁ ଅର୍ଥାତ ୨୦୧୫ ଫେବୃଆରୀ ୬ ତାରିଖ ରାତିରେ ଗୋଏଲ ଏବଂ ତାଙ୍କ ସମର୍ଥକମାନେ ବିବେକ ନଗର ଅଞ୍ଚଳରେ ଥିବା ମନୀଷ ଘାଇଙ୍କ ଘରେ ପହଞ୍ଚି ସେଠାରେ ବ୍ୟାପକ ଭଙ୍ଗାରୁଜା କରିଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।