ପୂର୍ବତନ ରାଜ୍ୟପାଳ ଅଶ୍ୱିନୀ କୁମାରଙ୍କ ଆତ୍ମହତ୍ୟା

ଶିମଲା: ନିଜ ବାସଭବନରେ ଆତ୍ମହତ୍ୟା କରିଛନ୍ତି ପୂର୍ବତନ ଆଇପିଏସ୍‌ ଅଫିସର ଅଶ୍ୱିନୀ କୁମାର। ଶିମଲା ସ୍ଥିତ ବାସଭବନରୁ ଆଜି ତାଙ୍କ ଝୁଲନ୍ତା ମୃତଦେହ ମିଳିଛି। ମୃତ୍ୟୁ ବେଳକୁ ତାଙ୍କୁ ୬୯ ବର୍ଷ ବୟସ ହୋଇଥିଲା। ଅଶ୍ୱିନୀ କୁମାର ନାଗାଲ୍ୟାଣ୍ଡ ଓ ମଣିପୁରର ରାଜ୍ୟପାଳ ଭାବେ କାର୍ଯ୍ୟ କରିଥିଲେ। ସେହିପରି ସିବିଆଇ ନିର୍ଦ୍ଦେଶକ ଭାବେ ବି ସେ କାର୍ଯ୍ୟ କରିଛନ୍ତି।

୨୦୦୬ ଅଗଷ୍ଟରୁ ୨୦୦୮ ଜୁଲାଇ ଯାଏ ଅଶ୍ୱିନୀ କୁମାର ହିମାଚଳ ପ୍ରଦେଶ ଡିଜିପି ଭାବେ କାର୍ଯ୍ୟ କରିଥିଲେ। ୨୦୧୩ ଓ ୨୦୧୪ରେ ସେ ନାଗାଲ୍ୟାଣ୍ଡର ରାଜ୍ୟପାଳ ଭାବେ କାର୍ଯ୍ୟ କରିଥିଲେ। ଏହି ସମୟରେ ସେ କିଛି ଦିନ ପାଇଁ ମଣିପୁରର ରାଜ୍ୟପାଳ ଦାୟିତ୍ୱ ତୁଲାଇ ଥିଲେ।

ଅଶ୍ୱିନୀ କୁମାରଙ୍କ ଝୁଲନ୍ତା ମୃତଦେହ ଖବର ମିଳିବା ପରେ ପୁଲିସ୍‌ ଓ ଆଇଜିଏମସିରା ଡାକ୍ତରମାନେ ଘଟଣାସ୍ଥଳରେ ପହଞ୍ଚି ଯାଞ୍ଚ ଆରମ୍ଭ କରିଛନ୍ତି। ହେଲେ ଆତ୍ମହତ୍ୟାର କାରଣ ସମ୍ପର୍କରେ ଏଯାଏ ଜଣାପଡ଼ିନାହିଁ। ସୂତ୍ର ଅନୁସାରେ, କିଛି ଦିନ ହେଲେ ଶ୍ରୀ କୁମାର ମାନସିକ ଚାପରେ ରହିଥିଲେ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।