ନୂଆଦିଲ୍ଲୀ: ଇତିହାସ ରଚିଲା ଭାରତ। ଶତ୍ରୁର ରାଡାରକୁ ଧ୍ୱଂସ କରିପାରୁଥିବା ମିସାଇଲ ରୁଦ୍ରମ-୧ର ସଫଳ ପରୀକ୍ଷଣ କରିଛି ଭାରତ। ଆଜି ଯୁଦ୍ଧ ବିମାନ ସୁଖୋଇ-୩୦ରୁ ରୁଦ୍ରମ-୧ ଆଣ୍ଟି ରେଡିଏସନ କ୍ଷେପଣାସ୍ତ୍ରକୁ ସଫଳତାର ସହ ଡିଆରଡିଓ ପରୀକ୍ଷଣ କରିଛି। ଏହା ବାୟୁସେନାର ଶକ୍ତିବୃଦ୍ଧି କରିବା ସହ ଆକାଶପଥରେ ସେନାକୁ ଆହୁରି ମଜଭୁତ କରିବ। ସ୍ୱଦେଶୀ ଜ୍ଞାନକୌଶଳରେ ପ୍ରଥମଥର ପାଇଁ ଡିଆରଡିଓ ଆଣ୍ଟି ରେଡିଏସନ ମିସାଇଲ ନିର୍ମାଣ କରିଛି।
ଶବ୍ଦଠାରୁ ଅଧିକ ଦୁଇଗୁଣ ବେଗରେ ଏହି କ୍ଷେପଣାସ୍ତ୍ର ଉତକ୍ଷେପଣ ହୋଇପାରିବ। ନୂଆ ପିଢ଼ିର ଏହି ରେଡିଏସନ ମିସାଇଲ ରୁଦ୍ରମ-୧ର ଲକ୍ଷ୍ୟଭେଦ କ୍ଷମତା ୧୦୦ରୁ ୨୦୦ କିମି। ଏହାକୁ ଆଜି ସକାଳ ୧୧.୧୫ରେ ଏହାକୁ ଓଡ଼ିଶା ଉପକୂଳ ବାଲେଶ୍ୱରରେ ସୁଖୋଇ ଯୁଦ୍ଧ ବିମାନରୁ ପରୀକ୍ଷା କରାଯାଇଥିଲା।
ଏହା ଭାରତରେ ନିର୍ମିତ ପ୍ରଥମ ମିସାଇଲ, ଯାହାକୁ ଯେକୌଣସି ଉଚ୍ଚତାରୁ ବେଶ ଆରାମରେ ନିକ୍ଷେପ କରାଯାଇପାରିବ। ରୁଦ୍ରମ-୧ ମିସାଇଲ ସବୁ ପ୍ରକାରର ସଙ୍କେତ ଓ ରେଡିଏସନକୁ ଧରିବାରେ ସକ୍ଷମ। ଏହି ମିସାଇଲ ଦ୍ୱାରା ଶତ୍ରୁ ପକ୍ଷର ରାଡାରକୁ ମଧ୍ୟ ଧ୍ୱଂସ କରାଯାଇ ପାରିବ। ଏଥିରେ ଆଇଏନଏସ୍-ଜିପିଏସ୍ ନାଭିଗେସନ ରହିଛି। ଏହାଦ୍ୱାରା ମିସାଇଲ ଟାର୍ଗେଟ କରିଥିବା ବସ୍ତୁକୁ ଠାବ କରି ଏହାକୁ ଧ୍ୱଂସ କରିପାରିବ।
Congratulate @DRDO_India on the successful testing of indigenously developed next generation #Rudram Anti-Radiation Missile from Integrated Test Range in Balasore, #Odisha. #DRDO
— Naveen Patnaik (@Naveen_Odisha) October 9, 2020
ରୁଦ୍ରମ-୧ର ସଫଳ ପରୀକ୍ଷଣ ପାଇଁ ପ୍ରତିରକ୍ଷା ରାଜନାଥ ସିଂହ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଡିଆରଡିଓକୁ ଶୁଭେଚ୍ଛା ଜଣାଇଛନ୍ତି।
The New Generation Anti-Radiation Missile (Rudram-1) which is India’s first indigenous anti-radiation missile developed by @DRDO_India for Indian Air Force was tested successfully today at ITR,Balasore. Congratulations to DRDO & other stakeholders for this remarkable achievement.
— Rajnath Singh (@rajnathsingh) October 9, 2020
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।