ନୂଆଦିଲ୍ଲୀ: ନିର୍ବାଚନୀ ପ୍ରଚାର ପାଇଁ ସମାଜବାଦୀ ପାର୍ଟି ମୁଖ୍ୟ ଅଖିଲେଶ ଯାଦବ ଉତ୍ତର ପ୍ରଦେଶର ମୁଜାଫରନଗର ଯିବାକୁ ଚାହୁଁଥିଲେ। ହେଲେ ତାଙ୍କ ହେଲିକପ୍ଟରୁ ଦିଲ୍ଲୀରୁ ଉଡ଼ାଣ ପାଇଁ ଅନୁମତି ଦିଆଯାଇ ନଥିବା ସେ ଅଭିଯୋଗ କରିଛନ୍ତି। ତାଙ୍କୁ ମୁଜାଫରନଗର ନ ଛାଡ଼ିବା ପଛରେ ବିଜେପିର ଷଡ଼ଯନ୍ତ୍ର ଥିବା ଅଭିଯୋଗ ମଧ୍ୟ ଅଖିଲେଶ ଅଭିଯୋଗ କରିଛନ୍ତି।
ହେଲିକପ୍ଟର ସହ ଗୋଟିଏ ଫଟୋ ଟ୍ୱିଟ କରି ଅଖିଲେଶ ଯାଦବ କହିଛନ୍ତି, “ମୋ ହେଲିକପ୍ଟରକୁ ଦିଲ୍ଲୀରେ ଅଟକ ରଖାଯାଇଛି ଓ ଏହାକୁ ମୁଜାଫରନଗର ଉଡ଼ାଣ ପାଇଁ ଛଡ଼ା ଯାଉନି। ହେଲିକପ୍ଟରକୁ ବିନା କାରଣରେ ଅଟକ ରଖାଯାଇଛି। ଏଠାରୁ ବିଜେପିର ଜଣେ ବରିଷ୍ଠ ନେତା ଉଡ଼ାଣ ଭରିଛନ୍ତି। ହେଲେ ମୋତେ ରୋକା ଯାଉଛି। ନିର୍ବାଚନରେ ହାରିବାକୁ ଯାଉଥିବା ହତାଶ ବିଜେପିର ଏହା ଏକ ଷଡ଼ଯନ୍ତ୍ର। ଲୋକମାନେ ସବୁ ବୁଝୁଛନ୍ତି।”
मेरे हैलिकॉप्टर को अभी भी बिना किसी कारण बताए दिल्ली में रोककर रखा गया है और मुज़फ़्फ़रनगर नहीं जाने दिया जा रहा है। जबकि भाजपा के एक शीर्ष नेता अभी यहाँ से उड़े हैं। हारती हुई भाजपा की ये हताशा भरी साज़िश है।
जनता सब समझ रही है… pic.twitter.com/PFxawi0kFD
— Akhilesh Yadav (@yadavakhilesh) January 28, 2022
ସୂଚନାଯୋଗ୍ୟ, ଉତ୍ତର ପ୍ରଦେଶ ବିଧାନସଭା ନିର୍ବାଚନ ପାଇଁ ପ୍ରଚାର ଚାଲୁଥିବା ବେଳେ ଏପରି ଅଭିଯୋଗ ଅଖିଲେଶ ଆଣିଛନ୍ତି। ଚଳିତ ବିଧାନସଭା ନିର୍ବାଚନରେ ଅଖିଲେଶ ମୈନପୁର ଜିଲ୍ଲା କରହାଲ ଆସନରୁ ପ୍ରାର୍ଥୀ ହେବେ। ଏଠାରେ ଫେବୃଆରୀ ୨୦ରେ ଭୋଟିଂ ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।