କୋଲକାତା: ପୁଣିଥରେ ପଶ୍ଚିମବଙ୍ଗରେ ମୁଣ୍ଡ ଗଡ଼ିଛି। ଉତ୍ତର ଦିଞ୍ଜାପୁରର ଇଟାହରରେ ବିଜେପି ଯୁବମୋର୍ଚ୍ଚାର ଜଣେ ନେତାଙ୍କୁ କେହି ଗୁଳି କରି ହତ୍ୟା କରିଛନ୍ତି। ହତ୍ୟାକାରୀ ଧରାପଡ଼ି ନଥିବା ବେଳେ ଏହା ପଛରେ ଟିଏମସି ଗୁଣ୍ଡାମାନଙ୍କ ହାତ ଥିବା ବିଜେପି ବିଧାୟକ ତଥା ବିରୋଧୀ ଦଳ ନେତା ଶୁଭେନ୍ଦୁ ଅଧିକାରୀ ଅଭିଯୋଗ କରିଛନ୍ତି।
ସୋମବାର ଗୋଟିଏ ଟ୍ୱିଟ କରି ଶୁଭେନ୍ଦୁ କହିଛନ୍ତି, ଉତ୍ତର ଦିଞ୍ଜାପୁରର ବିଜେପି ଯୁବମୋର୍ଚ୍ଚାର ଉପ ସଭାପତି ମିଥୁନ ଘୋଷଙ୍କୁ ଇଟାହର ଠାରେ ଗୁଳି କରି ହତ୍ୟା କରାଯାଇଛି। ଏହା ପଛରେ ଟିମଏସିର ହାତ ରହିଛି। ଟିଏମସିର ଗୁଣ୍ଡାମାନେ ତାଙ୍କ ମାଷ୍ଟରଙ୍କ କଥାରେ ପରିଚାଳିତ ଏପରି ରକ୍ତ ବୁହାଇଛନ୍ତି। ସେମାନଙ୍କୁ ନିଶ୍ଚିତ ଦଣ୍ଡ ମିଳିବ। ଆମେ କେବେ ହେଲେ ମିଥୁନ ଘୋଷଙ୍କୁ ଭୁଲିବୁ ନାହିଁ ବୋଲି ସେ କହିଛନ୍ତି।
@BJYM VP Uttar Dinajpur dist. Mithun Ghosh has been shot dead by assailants at Itahar. This is TMC's handiwork written all over it. The bloodthirsty antisocial hound dogs who executed their master's orders would be taken to task when the tide turns.
We won't forget Mithun Ghosh. pic.twitter.com/V819egcHHt— Suvendu Adhikari • শুভেন্দু অধিকারী (@SuvenduWB) October 17, 2021
ତେବେ ଏମ୍ପର୍କରେ ଟିଏମସି ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ। ପୁଲିସ୍ ମଧ୍ୟ ଶୁଭେନ୍ଦୁଙ୍କ ଅଭିଯୋଗ ଉପରେ କ’ଣ ସବୁ ପଦକ୍ଷେପ ନେଇଛି, ସେକଥା ଜଣାପଡ଼ିନି।
ସୂଚନାଯୋଗ୍ୟ, ଏପ୍ରିଲ-ମେ’ ମାସରେ ପଶ୍ଚିମବଙ୍ଗ ବିଧାନସଭା ନିର୍ବାଚନ ପୂର୍ବରୁ ଅନେକ ସ୍ଥାନରେ ଟିଏମସି ଓ ବିଜେପି କର୍ମୀ ମୁହାଁମୁହିଁ ହୋଇଥିଲେ। ଏହି ସମୟରେ ଅନେକଙ୍କ ଜୀବନ ମଧ୍ୟ ଯାଇଥିଲା। ସେହିପରି ନିର୍ବାଚନ ଫଳାଫଳ ଟିଏମସି ସପକ୍ଷରେ ଯିବା ପରେ ବି ରାଜ୍ୟରେ ପ୍ରବଳ ହିଂସାକାଣ୍ଡ ଘଟିଥିଲା। ଏବେ କିଛି ଦିନର ବ୍ୟବଧାନ ପରେ ପୁଣି ରାଜ୍ୟରେ ହତ୍ୟାକାଣ୍ଡ ଘଟିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।