ଘରେ ପହଞ୍ଚିବ ମଦ, ହୋମ୍‌ ଡେଲିଭରୀ କରିବେ ସରକାର!

ନୂଆଦିଲ୍ଲୀ (ଓଡ଼ିଶା ରିପୋର୍ଟର): ମଦ ପାଇଁ ଆଉ ମଦ ଦୋକାନ ଆଗରେ ଛିଡ଼ାହୋଇ ଲଜ୍ଜିତ ହେବାକୁ ପଡ଼ିବନି, ବରଂ ସରକାର ଚାହିଦା ଅନୁଯାୟୀ ବିଭିନ୍ନ ବ୍ରାଣ୍ଡର ମଦ ଘରେ ପହଞ୍ଚାଇଦେବେ। ଆଜ୍ଞା ହଁ ମହାରାଷ୍ଟ୍ର ସରକାର ମଦ୍ୟପାନ ଜନିତ ରାସ୍ତା ଦୁର୍ଘଟଣା ରେ ମୃତ୍ୟ ସଂଖ୍ୟା ବଢୁଥିବା ଲକ୍ଷ୍ୟ କରି ଏଭଳି ପଦକ୍ଷେପ ନେବା ପାଇଁ ଚିନ୍ତା କରୁଛନ୍ତି।

ଯଦି ଏହି ପ୍ରସ୍ତାବ କାର୍ଯ୍ୟକାରୀ ହୁଏ ତା’ହେଲେ ମୁମ୍ବାଇ, ପୁଣେ ଓ ଅନ୍ୟାନ୍ୟ ସହରରେ ପ୍ରାଥମିକ ଭାବେ ଏ ଭଳି ସୁବିଧା ଆରମ୍ଭ ହୋଇଯିବ। ଆଉ ଏପରି ହେଲେ ମହାରାଷ୍ଟ୍ର ହେବ ଭାରତର ପ୍ରଥମ ‘ମଦ ଡେଲିଭରୀ ରାଜ୍ୟ’।

ମହାରାଷ୍ଟ୍ର ଅବକାରୀ ମନ୍ତ୍ରୀ ଚନ୍ଦ୍ରଶେଖର ବାଙ୍କୁଲେଙ୍କ କହିବା ଅନୁଯାୟୀ, ଏପରି ପଲିସି ଆଣିବାର ମୁଖ୍ୟ ଲକ୍ଷ୍ୟ ହେଉଛି ସଡ଼କ ଦୁର୍ଘଟଣା ହ୍ରାସ କରାଇବା। ଗତ କିଛି ବର୍ଷ ଧରି ମଦ ପିଇ ଗାଡ଼ି ଚଳାଇବା କାରଣରୁ ଲୋକେ ପ୍ରାଣ ହରାଉଥିବାର ଘଟଣା ବଢ଼ିବାରେ ଲାଗିଛି, ଯାହାକି ଚିନ୍ତାର କାରଣ ପାଲଟିଛି।

ଏହା ଇ-କମର୍ସ ପ୍ଲାଟଫର୍ମର ହୋମ୍‌ଡେଲିଭରୀ ଫର୍ମାଟରେ କରାଯିବ ବୋଲି ଜଣାଯାଇଛି। ଏପରି ପ୍ଲାଟଫର୍ମରେ ମଦ ନେବା ପାଇଁ ଆଧାର କାର୍ଡ ବାଧ୍ୟତାମୂଳକ ହେବ। ଜିଓ ଟ୍ୟାଗ୍‌ଡ ବୋତଲରେ ମଦ ବିକ୍ରି ହେବ ଯାହାଫଳରେ ବିକ୍ରେତା ଏବଂ ଗ୍ରାହକଙ୍କ ଉପରେ ନଜର ରଖିହେବ। ଏହାଫଳରେ ନକଲି ମଦ ବିକ୍ରି ଏବଂ ଅନ୍ୟାନ୍ୟ ଟିକସ ଠକେଇକୁ ମଧ୍ୟ ରୋକିହେବ। ନ୍ୟାସନାଲ କ୍ରାଇମ୍ ରେକର୍ଡ ବ୍ୟୁରୋ ଅନୁଯାୟୀ ମଦ ପିଇ ଗାଡ଼ି ଚଳାଇବା ଯୋଗୁ ଘଟୁଥିବା ଦୁର୍ଘଟଣା ୧.୫ ପ୍ରତିଶତ ବୃଦ୍ଧି ପାଇଛି। ସେହିପରି ନକଲି ମଦ ପିଇବା ଯୋଗୁ ୨୦୧୫ ମସିହାରେ ମୁମ୍ବାଇରେ ୮୪ ଜଣଙ୍କର ମୃତ୍ୟୁ ହୋଇଥିଲା।

ଆହୁରି ପଢ଼ନ୍ତୁ

ରାଗ ସମ୍ଭାଳି ପାରିଲେନି ନୀତୀଶ, ସଭାରେ ଲୋକଙ୍କୁ ନନସେନ୍ସ କହିଲେ

ଦୁର୍ଗା ମଣ୍ଡପରେ ଲକଡାଉନ ଯନ୍ତ୍ରଣାର ଦୃଶ୍ୟ ସହ ସୋନୁ ସୁଦ୍‌ଙ୍କ ପ୍ରତିମୂର୍ତ୍ତି, ଦେଖନ୍ତୁ ଭିଡିଓ

କ୍ୟାନସର୍ ଲଢ଼େଇ ଜିତିଲେ ସଞ୍ଜୟ ଦତ୍ତ

ବିହାର ପାଇଁ କଂଗ୍ରେସର ‘ବଦଲାବ ପତ୍ର’ ଓ ଏଲଜେପିର ‘ବିହାର ଫାଷ୍ଟ, ବିହାରୀ ଫାଷ୍ଟ’

ଅଶ୍ଳୀଳ କଲ୍‌ ପାଇଁ ଜଣେ ବ୍ୟକ୍ତିଙ୍କୁ ପିଟିପିଟି ମାରିଦେଲେ ମା’ ଝିଅ

ପଥର ଖାଦାନ ଚାଲାଣକୁ ନେଇ ଦୁଇ ଗୋଷ୍ଠୀ ହାତାହାତି

କନକ ଦୁର୍ଗା ମନ୍ଦିରରେ ଭୟଙ୍କର ଭୂସ୍ଖଳନ: ଏକାଧିକ ଲୋକ ଚାପି ହୋଇ ରହିଥିବା ଆଶଙ୍କା

ମହାରାଷ୍ଟ୍ର ବିଜେପିକୁ ଝଟକା, ଦଳ ଛାଡ଼ିଲେ ବରିଷ୍ଠ ନେତା

ପୁଣି ବଦଳିପାରେ ଏଆଇସିସି ରୂପରେଖ

ନାସାର ଐତିହାସିକ ସଫଳତା, ମହାକାଶରୁ ନମୁନା ସଂଗ୍ରହ କଲା ଓସିରିସ୍-ରେକ୍ସ

ଦେଶରେ କମୁଛି ଆକ୍ଟିଭ କେସ୍‌, ବଢ଼ୁଛି ଆରୋଗ୍ୟଙ୍କ ସଂଖ୍ୟା

୪୦୪୨ଟି ଚାଉଳ ଦାନାରେ ଛାତ୍ରୀ ଲେଖିଲେ ପୂରା ‘ଭାଗବତ ଗୀତା’