ପରିବାର ପାଇଁ ଭଉଣୀ ଓ ତାଙ୍କ ପ୍ରେମିକଙ୍କୁ ହତ୍ୟା, ଘଟଣାକୁ ଦେଖିଥିବା ଭାଇକୁ ବି ମାରିଦେଲା ବ୍ୟକ୍ତି

ଲକ୍ଷ୍ନୌ: ଉତ୍ତର ପ୍ରଦେଶର ସମ୍ବଲରେ ଭୟଙ୍କର ଘଟଣା ଘଟିଛି। ବିନୀତ ନାମକ ଜଣେ ଚାଷୀ ନିଜ ପରିବାରର ସମ୍ମାନ ପାଇଁ ତାଙ୍କ ସାନ ଭଉଣୀ ଓ ତାଙ୍କ ପ୍ରେମିକଙ୍କୁ ହତ୍ୟା କରିଛନ୍ତି। ଏହାପରେ ବିନୀତ ହତ୍ୟାକାଣ୍ଡକୁ ଦେଖିଥିବା ତା’ର ଆଉ ଜଣେ ସାନଭାଇ କୁଲଦୀପଙ୍କୁ ବି ମାରି ଦେଇଛି।

ବଣ୍ଟି ଓ ବିନୀତଙ୍କ ଭଉଣୀ ସୁଖିୟା ପରସ୍ପରକୁ ଭଲ ପାଉଥିଲେ। ବଣ୍ଟିର ବାହାଘର ଠିକ୍‌ ହୋଇଥିବା ବେଳେ ସେ ସୁଖିୟାଙ୍କୁ ସାଙ୍ଗରେ ଧରି ଫେରାର ହୋଇଯାଇଥିଲେ। ବଣ୍ଟି ଓ ସୁଖିୟା ପରସ୍ପରର ସମ୍ପର୍କୀୟ। ଏକଥା ଜାଣିବା ପରେ ବିନୀତ ନିଜ ପରିବାରର ସମ୍ମାନ ପାଇଁ ଉଭୟଙ୍କୁ ସବୁଦିନ ପାଇଁ ଶେଷ କରିବାକୁ ଶପଥ ନେଇଥିଲା। ଏଥିପାଇଁ ସେ ନିଜର ୪ ଜଣ ସାଙ୍ଗ ସହ ମିଶି ଉଭୟଙ୍କୁ ମାରିବାକୁ ଯୋଜନା କରିଥିଲେ।

ଜୁଲାଇ ୧ରେ ଗୋଟିଏ ପଡ଼ିଆରେ ବଣ୍ଟି ଓ ସୁଖିୟାଙ୍କୁ ପାଇ ବିନୀତ ଓ ତା’ର ସାଙ୍ଗମାନେ ଆକ୍ରମଣ କରିଥିଲେ। ଉଭୟଙ୍କୁ ହତ୍ୟା କରିବା ପରେ ସେମାନେ ଏହାକୁ ଆତ୍ମହତ୍ୟାର ରୂପ ଦେବା ପାଇଁ ଶବ ଦୁଇଟିକୁ ଗଛରେ ଟାଙ୍ଗି ଦେଇଥିଲେ।

ତେବେ ବିନୀତର ସାନଭାଇ କୁଲଦୀପ ପୂରା ଘଟଣାକୁ ଦେଖି ନେଇଥିଲେ। ତେଣୁ ବିନୀତ ୬ ଦିନ ପରେ କୁଲଦୀପଙ୍କୁ ବି ହତ୍ୟା କରିଥିଲେ। କୁଲଦୀପର ଶବକୁ ବି ବିନୀତ ସମାନ ଢଙ୍ଗରେ ଗଛରେ ଟାଙ୍ଗି ଦେଇଥିଲା। ତେଣୁ ପୁଲିସ୍‌ ଉଭୟ ଘଟଣାରେ ସନ୍ଦେହ ପ୍ରକାଶ କରି ତଦନ୍ତ ଆରମ୍ଭ କରିଥିଲା।

ତଦନ୍ତ ବେଳେ ପୁଲିସ୍‌ ବିନୀତକୁ ପଚରାଉଚରା କରିବାରୁ ସନ୍ଦେହ ବଢ଼ିଥିଲା। ଏହାପରେ ପୁଲିସ୍‌ ବିନୀତ ଠାରୁ ସବୁ ସତକଥା ବାହାର କରିଛି। ବିନୀତ ଓ ତା’ର ସହଯୋଗୀମାନଙ୍କୁ ଗିରଫ କରି ପୁଲିସ୍‌ ଅଧିକ ଖୋଳତାଡ଼ ଆରମ୍ଭ କରିଛି।

ଆହୁରି ପଢ଼ନ୍ତୁ

ନଦୀରେ ବୁଡ଼ି ଗଲା ଡଙ୍ଗା, ୨୪ରୁ ଅଧିକ ଲୋକ ଥିଲେ

ସୁଶାନ୍ତଙ୍କ ମୃତ୍ୟୁକୁ ନେଇ ମୁହଁ ଖୋଲିଲେ ଆଦିତ୍ୟ ଠାକରେ, କହିଲେ ମୋତେ…

ସେଲେବ୍ରିଟିଙ୍କ ପରି କରନ୍ତୁ ଶିମର୍ ମେକ୍‌ଅପ୍

କାର୍ଗିଲ ଯୁଦ୍ଧର ମିଗ-୨୩ ବିମାନକୁ ବିକ୍ରି ପାଇଁ OLXରେ ବିଜ୍ଞାପନ, ଦାମ କେତେ ଥିଲା ଜାଣନ୍ତୁ

ଟିକଟକକୁ କିଣିବା ପାଇଁ ମାଇକ୍ରୋସଫ୍ଟକୁ ୪୫ ଦିନର ସମୟ ଦେଲେ ଟ୍ରମ୍ପ

କୁଲଭୂଷଣଙ୍କ ପାଇଁ ୩ ଜଣ ଆମିକସ କ୍ୟୁରିଙ୍କୁ ନିଯୁକ୍ତ କଲା ପାକିସ୍ତାନ

ଦୁନିଆର ସବୁଠାରୁ ଦାମୀ କାର୍‌ କିଣିଲେ ରୋନାଲ୍ଡୋ, ଦାମ ଶୁଣିଲେ ହୋସ ଉଡ଼ିଯିବ

ଆରୋଗ୍ୟରେ ସବୁ ରେକର୍ଡ ଭାଙ୍ଗିଲା ଭାରତ: ଦିନକରେ ୪୪,୩୦୬ ସୁସ୍ଥ, ୫୨,୦୫୦ ଆକ୍ରାନ୍ତ

ସମୁଦ୍ର କୂଳରେ ୧୫ ଫୁଟିଆ ରହସ୍ୟମୟ ଜୀବ, ସମସ୍ତେ ଚକିତ

ସୁଶାନ୍ତଙ୍କ ମୃତ୍ୟୁ ମାମଲାର ସିବିଆଇ ତଦନ୍ତ ପାଇଁ ବିହାର ସରକାରଙ୍କ ସୁପାରିସ୍

ଏଫ୍‌ଆଇଆର୍‌ ଦେବାକୁ ଅମଙ୍ଗ ଥିଲେ ସୁଶାନ୍ତଙ୍କ ପରିବାର ଲୋକେ!

ଜଣେ ପୂର୍ବତନ ମୁଖ୍ୟମନ୍ତ୍ରୀଙ୍କୁ କରୋନା, ଆଇସୋଲେସନ୍‌ରେ ରହିଲେ ଜଣେ ମୁଖ୍ୟମନ୍ତ୍ରୀ