ପ୍ୟାରିସ୍: କଥାରେ ଅଛି ରଖେ ହରି ତ ମାରେ କିଏ। ଏହି ଲୋକକଥାଟି ପୁଣିଥରେ ସତ ପ୍ରମାଣିତ ହୋଇଛି। ଜଣେ ୧୨ ବର୍ଷର ବାଳକ ବରଫ ଝଡ଼ ବେଳେ ଏକ ବଡ଼ ବରଫ ଅତଡ଼ା ତଳେ ୪୦ ମିନିଟ୍ ଧରି ଫସି ରହିଥିଲେ ହେଁ ଜୀବିତ ଅବସ୍ଥାରେ ଉଦ୍ଧାର ହୋଇଛନ୍ତି। ପିଲାଟିର ବାପା ମା’ ମଧ୍ୟ ଏହାକୁ ଏକ ମିରାକଲ୍ ବୋଲି କହିଛନ୍ତି।
ବୁଧବାର ଫ୍ରେଞ୍ଚ ଆଲ୍ପସ୍ରେ ଏହି ୧୨ ବର୍ଷୀୟ ବାଳକ ଜଣଙ୍କ ତାଙ୍କ ବାପାମା’ଙ୍କ ସହ ବରଫରେ ସ୍କେଟିଂ କରୁଥିଲେ। ଏହି ସମୟରେ ବରଫ ଅତଡ଼ା ଧସିଯିବା ଯୋଗୁ ସେ ଏକ ବିଶାଳ ବରଫଖଣ୍ଡ ତଳେ ଚାପି ହୋଇ ରହିଯାଇଥିଲେ। ତାଙ୍କୁ ଏହି ବରଫ ଅତଡ଼ା ତଳୁ ଦୀର୍ଘ ୪୦ ମିନିଟ୍ ପରେ ଯାଇ ଉଦ୍ଧାର କରାଯାଇଥିଲା।
ସମସ୍ତେ ବାଳକଟି ପ୍ରାଣ ହରାଇଥିବ ବୋଲି ଆଶଙ୍କା କରିଥିଲେ। ହେଲେ ପିଲାଟିକୁ ସୁରକ୍ଷିତ ଉଦ୍ଧାର କରାଯାଇଥିଲା। ପିଲାଟିର କେବଳ ଗୋଡ଼ ଭାଙ୍ଗି ଯାଇଛି। ତାଙ୍କୁ ସ୍ଥାନୀୟ ହସ୍ପିଟାଲ୍ରେ ଭର୍ତ୍ତି କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।