ଭୁବନେଶ୍ୱର (ଓଡ଼ିଶା ରିପୋର୍ଟର): ଏପ୍ରିଲ୍ ୨୭ ତାରିଖ ଠାରୁ ରାଜ୍ୟରେ ପ୍ରତ୍ୟେକ ଦିନ ୧୦ କିମ୍ବା ତା’ଠାରୁ ଅଧିକ ଲୋକଙ୍କର କରୋନାରେ ମୃତ୍ୟୁ ଘଟିଥିବା ବେଳେ ଆଜି ଏଥିରେ ଲାଗିଛି ବ୍ରେକ୍। ଆଜି ଆସିଥିବା ରିପୋର୍ଟ ଅନୁଯାୟୀ କରୋନାରେ ରାଜ୍ୟରେ ଆଉ ୫ ଜଣଙ୍କ ମୃତ୍ୟୁ ଘଟିଛି। ଏହା ସହିତ ରାଜ୍ୟରେ କରୋନା ଜନିତ ମୃତ୍ୟ ସଂଖ୍ୟା ୨୦୭୩କୁ ବୃଦ୍ଧି ପାଇଛି।
ଏହି ୫ ଜଣଙ୍କ ମଧ୍ୟରୁ ଦୁଇ ଜଣ ଖୋର୍ଦ୍ଧା ଜିଲ୍ଲାର ଓ ତିନି ଜଣ ସୁନ୍ଦରଗଡ଼ ଜିଲ୍ଲାର। ଆଉ ୨ ଜଣଙ୍କ ମୃତ୍ୟୁ ଘଟିବା ପରେ ଖୋର୍ଦ୍ଧା ଜିଲ୍ଲାରେ କରୋନାରେ ପ୍ରାଣ ହରାଇଥିବା ଲୋକଙ୍କ ସଂଖ୍ୟା ୩୬୫ ହୋଇଯାଇଛି, ଯାହା ରାଜ୍ୟରେ ସର୍ବାଧିକ।
ସେହିପରି ସୁନ୍ଦରଗଡ଼ ଜିଲ୍ଲାରେ ଆଉ ୩ ଜଣଙ୍କ ମୃତ୍ୟୁ ଘଟିବା ସହିତ କରୋନା ଜନିତ ମୃତ୍ୟୁ ସଂଖ୍ୟା ୧୯୬ ହୋଇଛି।
ଖୋର୍ଦ୍ଧା ଜିଲ୍ଲାରୁ ଯେଉଁ ଦୁଇ ଜଣଙ୍କ ମୃତ୍ୟୁ ଘଟିଛି, ସେମାନେ ଭୁବନେଶ୍ୱରର ବାସିନ୍ଦା ଥିଲେ। ସେମାନଙ୍କୁ ଯଥାକ୍ରମେ ୭୨ ଓ ୭୩ ବର୍ଷ ହୋଇଥିଲା। ସେମାନେ ଅନ୍ୟାନ୍ୟ ରୋଗରେ ମଧ୍ୟ ପୀଡ଼ିତ ଥିଲେ।
ସୁନ୍ଦରଗଡ଼ ଜିଲ୍ଲାରେ ଯେଉଁ ତିନି ଜଣଙ୍କ ମୃତ୍ୟୁ ଘଟିଛି, ସେମାନେ ସମସ୍ତେ ମହିଳା। ସେମାନଙ୍କ ମଧ୍ୟରୁ ଜଣଙ୍କୁ ୩୭ ବର୍ଷ ହୋଇଥିଲା। ଅନ୍ୟ ଦୁଇ ଜଣଙ୍କୁ ୫୨ ଓ ୫୪ ବର୍ଷ ହୋଇଥିଲା। ୫୨ ବର୍ଷୀୟା ମହିଳା ଜଣଙ୍କର ଡାଇବେଟିସ୍ ଜନିତ ସମସ୍ୟା ରହିଥିଲା।
ଗଞ୍ଜାମ ଜିଲ୍ଲାରେ କରୋନାରେ ଏଯାବତ ୨୬୦ ଲୋକଙ୍କ ମୃତ୍ୟୁ ଘଟିଥିବା ବେଳେ କଟକରେ ୧୪୬ ଓ ପୁରୀରେ ୧୨୬ ଜଣଙ୍କ ମୃତ୍ୟୁ ଘଟିଛି।
ସୂଚନାଯୋଗ୍ୟ, ରାଜ୍ୟରେ ଗତ ୨୪ ଘଣ୍ଟାରେ ୮,୯୧୪ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ଖୋର୍ଦ୍ଧା ଜିଲ୍ଲାରେ ସର୍ବାଧିକ ୧୨୫୮ ଜଣ ଅଛନ୍ତି।
Regret to inform the demise of five numbers of Covid positive patients while under treatment in hospitals.
1.A 72 years old male of Bhubaneswar who was also suffering from Chronic Obstructive Pulmonary Disease.
— H & FW Dept Odisha (@HFWOdisha) May 3, 2021
5.A 54 years old female of Sundargarh district.
— H & FW Dept Odisha (@HFWOdisha) May 3, 2021
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
