ବ୍ରହ୍ମପୁର(ଓଡ଼ିଶା ରିପୋର୍ଟର): ବ୍ରହ୍ମପୁର ମଣ୍ଡଳ କାରାଗାରରେ ବିଚାରାଧୀନ ଜଣେ କଏଦୀଙ୍କ ଆଜି ମୃତ୍ୟୁ ହୋଇଯାଇଛି। ତାଙ୍କ ନାମ ମିଟୁ ବେହେରା। ସେ ଏମକେସିଜି ମେଡିକାଲରେ ଚିକିତ୍ସାଧୀନ ଥିଲେ। ଚିକିତ୍ସାଧୀନ ଅବସ୍ଥାରେ ହିଁ ତାଙ୍କର ମୃତ୍ୟୁ ହୋଇଛି।
ସୂଚନା ମୁତାବକ, ଗତ ୧ ତାରିଖ ଦିନ ବେଆଇନ ମଦ ରାନ୍ଧିବା ମାମଲାରେ ଗୋଳନ୍ଥରା ଥାନା ପୁଲିସ ୩ଜଣଙ୍କୁ ଗିରଫ କରିଥିଲା। ଯାହା ଭିତରେ ମିଟୁ ଥିଲେ। ପୁଲିସ ଏମାନଙ୍କୁ ମେଡିକାଲ ପରୀକ୍ଷା କରି ରାତି ପ୍ରାୟ ସାଢ଼େ ୯ଟାରେ କୋର୍ଟ ଚାଲାଣ କରିଥିଲା। ତାପରେ ତାଙ୍କୁ ବ୍ରହ୍ମପୁର ମଣ୍ଡଳ କାରାଗାରକୁ ପଠେଇ ଦିଆ ଯାଇଥିଲା।
ଆଜି ଜେଲରେ ମିଟୁଙ୍କ ଦେହ ଖରାପ ହୋଇଥିଲା। ସେଠାରୁ ତାଙ୍କୁ ଆଣି ମେଡିକାଲରେ ଭର୍ତି କରାଯାଇଥିଲା। କିଛି ସମୟ ଚିକିତ୍ସା ପରେ ଡାକ୍ତର ତାଙ୍କୁ ମେଡ଼ିକାଲରେ ମୃତ ଘୋଷିତ କରିଥିଲେ। ତେବେ ତାଙ୍କୁ ପୁଲିସ ପ୍ରବଳ ମାଡ଼ ମାରି ଆହତ ଅବସ୍ଥାରେ କୋର୍ଟ ଚାଲଣ କରିଥିବାରୁ ଏହା ସହି ନ ପାରି ତାଙ୍କର ମୃତ୍ୟୁ ହୋଇଥିବା ପରିବାର ଲୋକ ଅଭିଯୋଗ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
