ନିଆରା ପରମ୍ପରା: ରାଜଧାନୀରେ ଜଉ କଣ୍ଢେଇ ବାହାଘର

ଭୁବନେଶ୍ୱର: ଆଜି ସୁମନ୍ତଙ୍କ ହାତ ଧରିଛନ୍ତି ତଅପୋଇ। ଓଡ଼ିଆ ପରମ୍ପରାରେ ହୋଇଛି ବାହାଘର। ସାମିଲ ହୋଇଥିଲେ ଆବାଳବୃଦ୍ଧବନୀତା। ଶଂଖ ଓ ମନ୍ତ୍ରରେ ବେଦି ପ୍ରକମ୍ପିତ ହୋଇଥିଲା। ଏହି ସତସତିଆ ବାହାଘର ଦୁଇଟି ଜଉ କଣ୍ଢେଇ ମଧ୍ୟରେ ହୋଇଥିଲା। ସୁମନ୍ତଙ୍କ ବାପା ସ୍ମୃତି ରଞ୍ଜନ ମହାନ୍ତି ଓ ତଅପୋଇର ବାପା ସରୋଜ ମହାନ୍ତି ପରସ୍ପରକୁ ଆଲିଙ୍ଗନ କରିଥିଲେ।

ବରଯାତ୍ରୀ ଶୋଭାଯାତ୍ରା ଶ୍ରୀୟା ଛକରୁ ବାହାରିଥିଲା। ବାଣ, ବାଜାରେ ପ୍ରକମ୍ପିତ ହେଉଥିଲା ରାଜଧାନୀର ରାଜ ରାସ୍ତା। ପ୍ରଶେସନ୍‌ ଏକମ୍ର ହାଟରେ ପହଞ୍ଚିବା ପରେ ସେଠାରେ ବାହାଘର ହୋଇଥିଲା। ସେଠାରେ ଓଡ଼ିଆ ପରମ୍ପରାରେ ହୋଇଥିଲା ବାହାଘର। ପରେ ଭୋଜିର ଆୟୋଜନ ମଧ୍ୟ କରାଯାଇଥିଲା।