ଭୁବନେଶ୍ୱର: ଦୁଇ ଦିନର ନୀରବତା ପରେ ମୁହଁ ଖୋଲିଛନ୍ତି ବରିଷ୍ଠ କଂଗ୍ରେସ ନେତା ଗିରିଧର ଗମାଙ୍ଗ। ୫ଦିନ ଭିତରେ ତାଙ୍କ ବାପା କୌଣସି ଏକ ବଡ଼ ନିଷ୍ପତ୍ତି ନେଇପାରନ୍ତି ବୋଲି ଗତ ୧୨ ତାରିଖ ଦିନ ଗିରିଧରଙ୍କ ପୁଅ ଶିଶିର ଗମାଙ୍ଗ ଗଣମାଧ୍ୟମ ଆଗରେ କହିବା ପରେ ଗିରିଧରଙ୍କ ଦଳ ଛାଡ଼ିବା ନେଇ ଚର୍ଚ୍ଚା ଜୋର ଧରିଥିଲା। ଏପରିକି କୌଣସି ଆଞ୍ଚଳିକ ଦଳ ନୁହେଁ ବରଂ ଏକ ଜାତୀୟ ଦଳରେ ତାଙ୍କ ବାପା ମିଶିବା ନେଇ ଗତକାଲି ପୁଣି ସୂଚନା ଦେଇଥିଲେ ଶିଶିର। ଆଉ ଆଜି ଏ ପ୍ରସଙ୍ଗରେ ନିଜେ ଗିରିଧର ମୁହଁ ଖୋଲିଛନ୍ତି। କହିଛନ୍ତି ଯେଉଁଭଳି ଭାବେ ଖବର ପରିବେଷଣ କରାଯାଇଛି ସେଥିରେ କୌଣସି ସତ୍ୟତା ନାହିଁ। ଶିଶିର ଗମାଙ୍ଗ ଦେଇଥିବା ମତ ତାଙ୍କର ନିଜର । ଏ ସମ୍ପର୍କରେ ଗଣମାଧ୍ୟମ ମୋର ମତ ନେଇନଥିଲେ। ଶିଶିର ଯଦି ଏଭଳି କହିଥାନ୍ତି ତେବେ ସେ ଏହାର ସତ୍ୟତା ନେଇ ମତ ଦେବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
