ଭୁବନେଶ୍ୱର: ନୟାଗଡ଼ ଜିଲ୍ଲାର ନବଗଠିତ ରଣପୁର ଏନଏସି ପାଇଁ ଆଜି ଶେଷ ହୋଇଛି ମତଦାନ। ୮୦ ପ୍ରତିଶତ ଭୋଟର ସେମାନଙ୍କ ମତାଧିକାର ସାବ୍ୟସ୍ତ କରିଛନ୍ତି। ମଙ୍ଗଳବାର ସକାଳ ୮ଟାରୁ ଭୋଟଗ୍ରହଣ ଆରମ୍ଭ ହୋଇଥିଲା। ଅପରାହ୍ନ ୫ଟା ପର୍ଯ୍ୟନ୍ତ ଭୋଟ୍ ଗ୍ରହଣ ହୋଇଥିଲା। ଅପରାହ୍ନ ୨ଟା ସୁଦ୍ଧା ୫୦% ଭୋଟିଂ ହୋଇଥିଲା। ଆସନ୍ତାକାଲି ଭୋଟ୍ ଗଣତି କରାଯାଇ ଫଳାଫଳ ଘୋଷଣା କରାଯିବ।
ଏହି ଏନଏସିରେ ୧୫ଟି ୱାର୍ଡ ପାଇଁ ନିର୍ବାଚନ ଅନୁଷ୍ଠିତ ହେଉଥିବା ବେଳେ ମୋଟ ୫୫ ଜଣ ପ୍ରାର୍ଥୀ ହୋଇଛନ୍ତି। ଏଥିରୁ ଉଭୟ ବିଜେଡି ଓ ବିଜେପିର୧୫ ଜଣ ଲେଖାଏଁ ପ୍ରାର୍ଥୀ ହୋଇଥିବା ବେଳେ କଂଗ୍ରେସ ଛିଡ଼ା କରିଛି ୧୪ ଜଣଙ୍କୁ। ଆଜି ଏମାନଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି ୯,୯୬୯ ଜଣ ଭୋଟର୍।
ନବଗଠିତ ରଣପୁର ଏନଏସି ପାଇଁ ଏପ୍ରିଲ ୭ରେ ନିର୍ବାଚନ ହେବାର ଥିଲା । କିନ୍ତୁ ସଂରକ୍ଷଣ ଜନିତ ତ୍ରୁଟି ଯୋଗୁ ଏହାକୁ ମେ’ ୫କୁ ଘୁଞ୍ଚାଇ ଦିଆଯାଇଥିଲା । ଏହି ନିର୍ବାଚନ ପାଇଁ ଗତ ରବିବାର ପ୍ରଚାର କାର୍ଯ୍ୟ ଶେଷ ହୋଇଥିଲା ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
