ନୂଆଦିଲ୍ଲୀ: ରାଇଫଲ ଓ ପିସ୍ତଲର ଆଇଏସ୍ଏସ୍ଏଫ୍ ଶୁଟିଂ ବିଶ୍ୱକପ୍ ବୁଧବାର ଠାରୁ ଆରମ୍ଭ ହେବ। ଏହି ସିଜନ୍ରେ ଏହା ପ୍ରଥମ ଶୁଟିଂ ବିଶ୍ୱକପ୍। ଭାରତ ୩୩ ବର୍ଷ ମଧ୍ୟରେ ତୃତୀୟ ଥର ପାଇଁ ଶୁଟିଂ ବିଶ୍ୱକପ୍ ଆୟୋଜନ କରୁଛି। ଏହି ବିଶ୍ୱକପ୍ରେ ୫୮ଟି ଦେଶର ୫୦୩ ଜଣ ଖେଳାଳି ଅଂଶ ଗ୍ରହଣ କରିବେ।
ଏମାନଙ୍କୁ ମଧ୍ୟରୁ ୫୦ରୁ ଅଧିକ ଖେଳାଳି ବିଶ୍ୱ ଚାମ୍ପିୟନଶିପ ଓ ଅଲିମ୍ପିକ୍ସରେ ଭାଗ ନେଇଛନ୍ତି। ଏହା ବ୍ୟତୀତ ରାଜ୍ୟ ଗୋଷ୍ଠୀ କ୍ରୀଡ଼ା, ଏସିଆନ ଓ ଜୁନିୟର ବିଶ୍ୱ ଚାମ୍ପିୟନଶିପରେ ଭାଗ ନେଇଥିବା ଖେଳାଳି ରହିଛନ୍ତି। ଭାରତରୁ ୨୩ ଜଣିଆ ଦଳ ଏହି ବିଶ୍ୱକପ୍ରେ ଭାଗ ନେଉଛନ୍ତି। ଏଥିରେ ୮ ଜଣ ପ୍ରଥମଥର ପାଇଁ କୌଣସି ଶୁଟିଂ ଇଭେଣ୍ଟରେ ଭାଗ ନେବେ।
ଦିଲ୍ଲୀର ଡ.କରନି ସିଂହ ଷ୍ଟାଡିୟମରେ ଏହି ବିଶ୍ୱକପ୍ ଫେବୃଆରୀ ୨୮ ଯାଏ ଚାଲିବ। ଏବେଠାରୁ ଭାରତୀୟ ଦଳ ଏଥିପାଇଁ ଅଭ୍ୟାସ ଆରମ୍ଭ କରିଦେଇଛି। କାଲିଠାରୁ ବିଶ୍ୱକପ୍ ଆରମ୍ଭ ହେଉଥିଲେ ହେଁ ୨୧ ତାରିଖରେ ଉଦଘାଟନୀ ଉତ୍ସବ ଅନୁଷ୍ଠିତ ହେବ। ସେହିପରି ୨୨ରେ ପ୍ରି-ଇଭେଣ୍ଟ ଟ୍ରେନିଂ ରହିଛି। କିନ୍ତୁ ୨୩ରୁ ଅସଲି ଲଢ଼େଇ ଆରମ୍ଭ ହେବ।
ଭାରତୀୟ ଖେଳାଳିମାନେ ଘରୋଇ ପରିବେଶରେ ଖେଳୁଥିବାରୁ ଅଧିକରୁ ଅଧିକ ପଦକ ପାଇବାର ଆଶା ରଖିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।