ନୂଆଦିଲ୍ଲୀ: ବଲିଉଡ୍ ସୁନ୍ଦରୀ ପ୍ରୀତି ଜିଣ୍ଟା ଆଜି ସୋଶାଲ୍ ମିଡିଆରେ ସାଂଘାତିକ ଭାବେ ଟ୍ରଲ ହୋଇଛନ୍ତି। ଟିମ୍ ଇଣ୍ଡିଆ ଆଜି ଅଷ୍ଟ୍ରେଲିଆ ମାଟିରେ ଐତିହାସିକ ଟେଷ୍ଟ ସିରିଜ୍ ଜିତିବା ପରେ ସମସ୍ତଙ୍କ ଭଳି ପ୍ରୀତି ଜିଣ୍ଟା ମଧ୍ୟ ଟ୍ୱିଟ୍ କରି ବିରାଟ୍ ବାହିନୀକୁ ଶୁଭେଚ୍ଛା ଜଣାଇଥିଲେ। ତେବେ ସେ ‘ବୟଜ୍ ଇନ୍ ବ୍ଲୁ’ ଲେଖିଥିବାରୁ ତାଙ୍କୁ କ୍ରିକେଟ ପ୍ରେମୀମାନେ ସମାଲୋଚନା କରିଛନ୍ତି।
ପ୍ରୀତି ଲେଖିଥିଲେ “‘ବୟଜ୍ ଇନ୍ ବ୍ଲ୍ୟୁ’କୁ ଐତିହାସିକ ବିଜୟ ପାଇଁ ଶୁଭେଚ୍ଛା। ପ୍ରଥମ ଏସୀୟ ଦେଶ ଭାବେ ଅଷ୍ଟ୍ରେଲିଆରେ ଦଳ ଗୋଟିଏ ଟେଷ୍ଟ ମ୍ୟାଚ୍ ଜିତିଛି।”
ତେବେ ଏହା ଟେଷ୍ଟ ମ୍ୟାଚ୍ ହୋଇଥିବାରୁ ସମସ୍ତେ ଧଳା ପୋଷାକ ପିନ୍ଧନ୍ତି। ପ୍ରୀତି ଜିଣ୍ଟା କେମିତି ଏହାକୁ ବୟନ୍ ଇନ୍ ବ୍ଲୁ ବୋଲି କହିଲେ, ତାକୁ ନେଇ ଚର୍ଚ୍ଚା ଆରମ୍ଭ ହୋଇଛି। ସେହିପରି ଭାରତ ସିରିଜ୍ ଜିତିଥିବା ବେଳେ ପ୍ରୀତି ଜିଣ୍ଟା ମ୍ୟାଚ୍ ଜିତିଛି ବୋଲି କହିବାରୁ, ଟ୍ୱିଟ୍ରେ ପ୍ରୀତିକୁ ଟ୍ରଲର ସମ୍ମୁଖୀନ ହେବାକୁ ପଡ଼ିଛି।
ଜଣେ ପ୍ରଶଂସକ କହିଛନ୍ତି, "ଅଳ୍ପ ବିଦ୍ୟା ଭୟଙ୍କରୀ। ମ୍ୟାଡାମ, ପ୍ରଥମ ଦେଶ ଭାବେ ମ୍ୟାଚ୍ ନୁହେଁ ଟେଷ୍ଟ ସିରିଜ୍ ଜିତିଛି। ପୂର୍ବରୁ ମଧ୍ୟ ଭାରତ ଟେଷ୍ଟ ମ୍ୟାଚ୍ ଜିତିଛି।"
Congratulations to the boys in blue for being the first Asian team to win a test match down under ????? @cheteshwar1 take a bow ✌? #AUSvsIND #victory #ting #TeamIndia #IndianCricketTeam @BCCI pic.twitter.com/2oaZtRZIcA
— Preity G Zinta (@realpreityzinta) 7 January 2019
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।